भ्रष्टाचार मुद्धा खेपिरहेका उपसचिवसहित पाँच जनालाई विशेष अदालतले सफाइ दिएको छ । बर्ष दिन अगाडि अर्थात गत मंसिर चार गते अख्तियार दुरुपयोग अनुसन्धान आयोगले मुगु जिल्लाको छायाँनाथ रारा नगरपालिका–४ स्थित गैराज्युला सिँचाई आयोजनामा भ्रष्टाचार गरेको आरोपसहित उपसचिवसहित ५ जनालाई प्रतिवादी बनाउँदै विशेष अदालतमा दायर गरेको मुद्धामा विशेषले उनीहरुलाई क्लिन चिट दिएको हो ।

बिज्ञापन

सफाइ पाउनेमा कृषि ज्ञान केन्द्र जुम्लाका तत्कालीन प्रमुख (उपसचिव) डा तपेन्द्रबहादुर शाह, सब–इन्जिनीयर महेश बुढ्थापा, गैराज्युला कृषि सिँचाइ निर्माण उपभोक्ता समितिका तत्कालीन अध्यक्ष बाँचबहादुर सेजुवाल, सचिव माया केसी भाम र कोषाध्यक्ष बिजकन्या छन् ।