काठमाडौं। ग्लोबल आइएमई बैंक ग्लोबल फाइनान्स म्यागाजिनको बेष्ट बैंक अवार्डबाट सम्मानित भएको छ। ग्लोबल फाइनान्स म्यागाजिनले विश्वभरिका सर्वश्रेष्ठ बैंक छनोट गरी ग्लोबल आइएमईलाई सम्मानित गरेको हो।विश्वसनियता, वित्तीय स्रोत परिचालन, पहुँच विस्तार, रणनीतिक सम्बन्ध स्थापना, व्यावसायिक तथा ग्राहकमैत्री सेवाको विकास, क्रेडिट रेटिङ लगायत मापदण्डका आधारमा ग्लोबल फाइनान्स म्यागाजिनले आफूलाई नेपालको उत्कृष्ट बैंक ठहर्‍याएको ग्लोबल आइएमईले सोमबार जारी गरेको प्रेस विज्ञप्‍तिमा उल्लेख छ।

बिज्ञापन

ग्लोबल आइएमई ग्लोबल फाइनान्सको यस प्रतिष्ठित अवार्डबाट सम्मानित हुने नेपालको पहिलो बैंक हो।ग्लोबल फाइनान्सबाट ‘नेपालको उत्कृष्ट बैंक’का रुपमा पाएको सम्मानले आगामी दिनमा रचनात्मक सेवा प्रदान गर्न थप उत्साहित गरेको बैंकले जनाएको छ।