महालेखा नियन्त्रक कार्यालयले ६१ जना लेखा समूहका उपसचिवहरुको सरुवा गरेको छ । महालेखाले नेपाल प्रशासन सेवा, लेखा समूहका राजपत्राङ्कित द्वितीय श्रेणी ६१ जना कर्मचारीहरुको सरुवा गरेको हो । ०८३ कात्तिक ११ गतेको निर्णयअनुसार भएको सरुवामा मीनबहादुर घर्ती मगरलाई जुम्ला कोलनिकाबाट दाङ,बैतडी कोलनिकाबाट वाशुदेव भण्डारीलाई स्थानीय पूर्वाधार विकास विभाग,ललितपुरमा सरुवा गरिएको छ । यस्तै,संखुवासभा कोलनिकाबाट चिरञ्जिवी अधिकारी सुनसरी मोरङ सिँचाईमा पुगेका छन् भने विज्ञान तथा नवप्रवद्र्धन मन्त्रालयमा राधेश्याम गिरी कोलनिका,बाराबाट ल्याइएको छ ।

बिज्ञापन

सरुवा सूची अनुसार,सार्वजनिक वित्त व्यवस्थापन तालिम केन्द्रबाट ध्रुव कार्की कोलनिका,काभ्रेमा प्रमुख भएर जानेछन् । यस्तै,फाजिलमा रहेका यामप्रसाद ढुंगनालाई कोलनिका सुर्खेत पठाइएको छ ।कोलनिका लैनचौरबाट मुन कुमार केसीलाई मकवानपुर कोलनिका,रक्षा मन्त्रालयबाट गायत्रीरमण खनाललाई रानिजमरा,कलरिया सिँचाइ आयोजनामा पठाइएको छ । महालेखा नियन्त्रक कार्यालयबाट मानबहादुर मगर कोलनिका ललितपुर,बबरमहल कोलेनिकाको प्रमुख कोष नियन्त्रकमा ओम रिजाल,भक्तपुर कोष तथा लेखा नियन्त्रक कार्यालयमा प्रमुख भएर विष्णुहरि रेग्मी गएका हुन्। उपमहालेखा नियन्त्रक योगेश पराजुली शिक्षा विभाग, दिनेश रेग्मी मकवानपुरबाट बारा,कञ्चनपुर कोलनिकाबाट कृष्णप्रसाद धामीलाई कैलाली,मोहन जैसवाललाई दाङस्थित कोलनिकाबाट बर्दियामा सरुवा गरिएको छ । यस्तै जागुराम चौधरीलाई विद्युत विकास विभागबाट स्वास्थ्य सेवा विभागको लेखाको प्रमुख,सार्वजनिक ऋृण व्यवस्थापनका उपसचिव प्रकाश पुडासैनीलाई प्रदेश लेखा नियन्त्रकको कार्यालय,कास्कीमा पठाइएको छ ।