बिज्ञापन

बिज्ञापन

सभापतिमा निर्वाचित भएका थापाले ६ हजार ५८४ मत प्राप्त गर्दा उनको प्रतिष्प्रर्धी श्यामकृष्ण खड्गीले ३७५ मत प्राप्त गरेका थिए। वरिष्ठ उपसभापतिमा विश्वप्रकाश शर्मा निर्विरोध निर्वाचित भइसकेका छन् । यस्तै महिला उपसभापतिमा पुष्पा भुसाल निर्वाचित भइसकेकी छिन् ।

खुला उपसभापतिमा चन्द्रकान्त भण्डारी सबैभन्दा अगाडि रहेका छन्। पछिल्लो मत परिणाम अनुसार,चन्द्रकान्त भण्डारी २३४३ मत प्राप्त गर्दा मधु आचार्य १४४१ मत प्राप्त गरेका छन् । यस्तै
गोविन्द भट्टराई १२१९ मत सहित प्रतिष्प्रर्धामा छन् । उता समावेशीतर्फ उपसभापतिमा बिनोद कुमार चौधरी ११४५ मत प्राप्त गर्दा जीवन परियार ११०७ मत प्राप्त गरेका छन् भने खुलातर्फ महामन्त्रीमा
प्रदिप पौडेल २६५७ मत सहित अगाडि छन् उनलाई उदय शम्शेर राणा १४९१ मत सहित र डा सुनिलकुमार शर्मा १३८७ मत ल्याएर पछ्याइरहेका छन् । यस्तै महिलातर्फ डा डिला संग्रौला २०३७ मत प्राप्त गर्दा महालक्ष्मी उपाध्याय (डिना) १८३८ र रीता खनाल ४६६ मत प्राप्त गरेकी छिन् ।
कांग्रेस केन्द्रीय निर्वाचन समितिका सदस्य–सचिव राजु कटुवालका अनुसार वरिष्ठ उपसभापतिमा विश्वप्रकाश शर्मा, महिला उपसभापतिमा पुष्पा भुसाल र केन्द्रीय सदस्य महिला (काठमाडौँ उपत्यका)तर्फ डा अमिता प्रधान शाक्य निर्विरोध निर्वाचित भइसकेका छन् ।