अख्तियार दुरुपयोग अनुसन्धान आयोगको एक जना इन्जिनियरलाई एक लाख घुससहित रंगेहात पक्राउ गरेको छ । अख्तियारको बर्दिबास कार्यालयको टोलीले मलंगवा नगरपालिकाका एक इन्जिनियरलाई १ लाख रुपैयाँ नगदसहित पक्राउ गरेको हो ।

बिज्ञापन

आयोगका अनुसार, सर्लाहीको मलंगवा नगरपालिकाका प्राविधिक शाखामा कार्यरत इञ्जिनियर डिकेश यादवलाई नियन्त्रणमा लिएको हो । उनले नक्सा पास गरिदिने भन्दै सेवाग्राहीसँग रकम मागेको सूचना पाएपछि अख्तियारको टोली नगरपालिकामा पुगेको थियो। सोही क्रममा यादवलाई सेवाग्राहीबाट १ लाख रुपैयाँ लिँदै गरेको अवस्थामा पक्राउ गरिएको स्रोतले जनाएको छ।
अख्तियारको टोलीले यादवलाई नियन्त्रणमा लिएर आवश्यक अनुसन्धान अघि बढाएको छ।