सशस्त्र प्रहरी बलका अतिरिक्त महानिरीक्षक (एआईजी) वंशीराज दाहाल निलम्बनमा परेका छन् । गृह मन्त्रालयले संवेदनशील सुरक्षा सूचना चुहावट गरेको आरोपमा अतिरिक्त महानिरीक्षक दाहाललाई निलम्बन गरेको हो । सीमा सुरक्षा विभागको प्रमुखको रूपमा कार्यरत दाहालको म्याद थप्ने प्रस्ताव अगाडि बढिरहेको समयमा उनी निलम्बित भएका हुन ।
बिज्ञापन
आगामी असोज २७ गते अवकाशमा जान लागेका उनलाई अवकाशको दुई साता अघि कारबाहीको डण्डा चलाइएको हो । सशस्त्र प्रहरी बलले एआइजी दाहालको पदावधि एक बर्ष थप्न गृहमा प्रस्ताव पठाएको अर्काे साता उनी विवादमा परेर निलम्बित भएका हुन ।
बिज्ञापन
निलम्बन अघि उनीसँग गत शुक्रवार स्पष्टीकरण समेत सोधेको थियो । सशस्त्र स्रोतका अनुसार,पूर्व प्रधानन्यायाधीश चोलेन्द्र शमशेर जबरा प्रहरीको नियन्त्रणमा हुँदा एआईजी दाहालले उनीसँग भेटघाट गरेसँगै सोही भेटघाटको बिषयले उनी निलम्बनमा परेका हुन । असोज ११ मा बिहान दाहालले टेकु स्थित उपत्यका अपराध अनुसन्धान कार्यालयमा गएर जबरासँग भेटघाट गरेका हुन् ।
सोही प्रकरणलाई लिएर सशस्त्र प्रहरी बल प्रधान कार्यालयले एआईजी दाहाललाई स्पष्टीकरणसमेत सोधिएको थियो । गृहका सशस्त्र प्रहरी बल, नेपालले दाहालले सुरक्षासँग सम्बन्धित संवेदनशील सूचना चुहावट गरी पदीय आचरणविपरीत कार्य गरेको भन्दै कारबाहीका लागि गृह मन्त्रालयमा सिफारिस गरेको थियो। सशस्त्र स्रोतका अनुसार,उनी निलम्बनमा गएको खण्डमा बढुवा प्रतिस्पर्धामा डीआईजीबाटहरु सिसम–१ का सुरेश श्रेष्ठ, दीपेन्द्र शाह र पुरुषोत्तम थापामध्येबाट एआइजीमा उकालिने सम्भवना रहेको छ ।
