उद्योग मन्त्री दिपककुमार साहले मन्त्रीको जिम्मेवारी सम्हाले लगतै मन्त्रालयका कर्मचारीहरुको व्यापक हेरफेर गरेका छन् ।

बिज्ञापन

२४ भदौंमा मन्त्रीको रुपमा जिम्मेवारी सम्हालेका साहले यस अघि नै पाँच जना सहसचिवहरुको आन्तरिक जिम्मेवारी हेरफेर गरेका थिए । उद्योग विभागको महानिर्देशकको जिम्मेवारी कल्पना श्रेष्ठको काँधमा आएको छ । उनी उद्योगमा पुगेर त्यहाँको महानिर्देशक बनेका छन् । यस अघि सो विभागका महानिर्देशक रहेका जितेन्द्र बस्नेत संस्थान, आपूर्ति व्यवस्थापन तथा उपभोक्ता हित संरक्षण महाशाखाको प्रमुखको जिम्मेवारी पाएका छन् । यस्तै प्रशासन, योजना तथा अनुगमन मूल्याङ्कन महाशाखा प्रमुखको जिम्मेवारी नेत्रप्रसाद सुवेदी, औद्योगिक लगानी प्रवर्द्धन तथा औद्योगिक पूर्वाधार विकास महाशाखा प्रमुखको जिम्मेवारी रामबन्धु सुवेदीलाई दिइएको छ। यस्तै,द्विपक्षीय तथा बहुपक्षीय व्यापार महाशाखा प्रमुखको बुद्धबहादुर गुरुङलाई दिइएको छ।