संघीय निजामती सेवासम्बन्धी कानुनलाई संशोधन र एकीकरण गर्न बनेको विधेयक संघीय संसद्मा दर्ता भएको छ । गत मंगलबार मन्त्रिपरिषद्को बैठकले संघीय निजामती सेवासम्बन्धी कानुनलाई संशोधन गर्न बनेको विधेयक संघीय संसद्समक्ष पेस गर्न स्वीकृत दिने निर्णय गरेको थियो । सरकारका तर्फबाट भूमि व्यवस्था, सहकारी, संघीय मामिला तथा सामान्य प्रशासन मन्त्रालयले विधेयक दर्ता गरेको संसद सचिवालयले जनाएको छ ।
सो विधेयकमा ३०–५५ को प्रावधान राखिएको छ । ३० वर्ष सेवा अवधि वा ५५ वर्ष उमेरहद जुन पहिलो पुग्छ त्यसका आधारमा कर्मचारीले अवकाश पाउने छन् । सेवावधि बाँकी छँदै ५५ वर्षे उमेरहदका कारण अनिवार्य अवकाश जानेको हकमा भने थप तीन वर्षको पदावधि पेन्सन प्रयोजनका लागि गणना हुने भएको छ । नयाँ सरकार गठन भएको ६ महिनापछि २ वर्षे कुलिङ पिरियडको प्रावधानसहित संघीय निजामती विधेयक संसदमा दर्ता भएको हो।
बिज्ञापन
