न्याय सेवा आयोगले नेपाल न्याय सेवा,कानुन समूहका ११ सहसचिवको सरुवा सिफारिस गरेको छ । जस अनुसार,निर्वाचन आयोगका सहसचिव यज्ञ प्रसाद भट्टराईलाई उर्जा जलश्रोत तथा सिँचाई मन्त्रालय,दरबन्दी काटिएर फाजिलमा परेका शम्भुराज रेग्मीलाई राष्ट्रपतिको कार्यालय,सम्पत्ति छानबिन आयोगमा काजमा खटाइएका कृष्णकुमार कार्कीलाई नेपाल कानुन आयोग,प्रधानमन्त्री कार्यालयमा रहेका लीलाधर सुवेदीलाई न्याय सेवा तालिम केन्द्रको प्रमुखको रुपमा सरुवा सिफारिस गरिएको छ ।
बिज्ञापन
यस्तै,उर्जा मन्त्रालयका जंगबहादुर डाँगीलाई पूर्वाधार विकास मन्त्रालय,विरेन्द्र बहादुर केसीलाई मुख्यमन्त्री तथा मन्त्रिपरिषद्को कार्यालय कर्णाली,राष्ट्रपति कार्यालयबाट उर्मिला जिसीलाई प्रधानमन्त्री तथा मन्त्रिपरिषद्,लोकहरि बस्याललाई भूमि व्यवस्था सहकारी संघीय मामिला,कर्णाली प्रदेशबाट निधिराज न्यौपानेलाई बागमती प्रदेश,बालकृष्ण निरौलालाई गृह र नुतन झालाई मुख्यमन्त्री तथा मन्त्रिपरिषद्को कार्यालय मधेश प्रदेशमा सरुवा सिफारिस गरिएको छ ।
