सरकारले संघीय निजामती सेवासम्बन्धी कानुनलाई संशोधन र एकीकरण गर्न बनेको विधेयक आज संसदमा दर्ता तयारी भएको छ। भूमि व्यवस्था सहकारी संघीय मामिला तथा सामान्य प्रशासन मन्त्रालयले सो विद्येयक आज प्रतिनिधि सभामा दर्ता गर्ने भएको छ । मन्त्रिपरिषद्को मंगलबार बसेको बैठकले विधेयकलाई संसदमा पेस गर्न स्वीकृत प्रदान गरेसँगै विधेयक आज प्रतिनिधिसभामा दर्ता गर्न लागिएको हो ।

बिज्ञापन

१४८ वटा दफा रहेको संघीय निजामती सेवा विद्येयकमा ३० वर्ष सेवा अवधि वा ५५ वर्ष उमेर पुगेपछि अनिवार्य अवकाश हुने व्यवस्था कायमै राखिए पनि लोकसेवा आयोगको रायका आधारमा पेन्सन सुविधामा केही हेरफेर गरेर संसदमा दर्ता गर्न लागेको हो । सामान्य प्रशासनका अधिकारीहरुका अनुसार, ३० वर्ष सेवा अवधि वा ५५ वर्ष उमेर पुगेपछि एक पटकका लागि अनिवार्य अवकाश दिने व्यवस्था कायमै राखिएको छ। ५५ वर्ष उमेर वा ३० वर्ष सेवा अवधि पुगेर अवकाशमा पठाइने कर्मचारीको पेन्सन सुविधा भने नघटाउने प्रावधान विधेयकमा राखिएको छ । यो व्यवस्था सुरुको मस्यौदामा थिएन । यस्तै सचिवको पदावधि तीन वर्ष र मुख्यसचिवको पदावधि दुई वर्षको प्रावधान राखिएको छ ।