बिज्ञापन

बिज्ञापन

दशैं–तिहारमा सेवा र सडक अवरोध हुन नदिने दशैं, तिहार, छठजस्ता चाडपर्व र सक्रिय मनसुनलाई ध्यानमा राखी सडक यातायात अवरुद्ध हुन नदिने तथा अत्यावश्यक सार्वजनिक सेवाहरू नियमित सञ्चालनका लागि सम्बन्धित निकायले जनशक्ति व्यवस्थापन, स्रोतसाधन, यन्त्र तथा उपकरण चुस्त–दुरुस्त राख्ने गरी कार्यतालिकासहित आवश्यक व्यवस्था मिलाउने, चाडपर्वको समयमा बजारमा हुन सक्ने कालोबजारी, मूल्यवृद्धि तथा अनुचित व्यापारिक गतिविधि नियन्त्रण गर्न संयुक्त बजार अनुगमनलाई प्रभावकारी बनाउने ।

नेपाल सरकार मन्त्रिपरिषद्का निर्णय कार्यान्वयनको अनुगमन गर्ने प्रणाली CDIMS (Cabinet Decision Implementation Monitoring System) मा प्रविष्ट गरिएका निर्णयको कार्यान्वयन प्रगति तथा त्यसबाट भएको उपलब्धि र प्रभावसहितको प्रगति प्रतिवेदन यथाशीघ्र प्रधानमन्त्री तथा मन्त्रिपरिषद्को कार्यालयमा पठाउने । साथै मन्त्रिपरिषद्का निर्णय कार्यान्वयनको नियमित अनुगमन मन्त्रालयबाट गर्ने व्यवस्था मिलाउने ।

संवैधानिक निकायका प्रतिवेदनमा उल्लिखित सुझाव तथा निर्देशनहरू र संसदीय समितिका निर्देशनहरू कार्यान्वयन गर्ने तथा गराउने, राष्ट्रिय योजना आयोगबाट भइरहेको रसुवा भोटेकोशी बाढीबाट भएको क्षतिपछिको आवश्यकताको मूल्यांकन (Post Disaster Need Assessment: PDNA) कार्य समयमै सम्पन्न गर्न आवश्यक पर्ने जनशक्ति सम्बन्धित निकायले यथाशीघ्र उपलब्ध गराउने,कानुन निर्माण कार्यलाई गुणस्तरीय र प्रभावकारी बनाउन कानुन, न्याय तथा संसदीय मामिला मन्त्रालयले निर्माण गरेको कार्यतालिकाअनुसार विधेयकको मस्यौदा तयार गर्दा सम्बन्धित मन्त्रालय तथा निकायहरूले प्रभावकारी अन्तरनिकाय समन्वय स्थापित गरी अन्तरसम्बन्धित विषयमा सामञ्जस्य कायम गर्ने लगायतका निर्णयहरु आज बसेको सचिव बैठकले गरेको छ ।