प्रधानमन्त्री वालेन्द्र शाह संयुक्त राष्ट्रसंघको ८१औँ महासभामा भाग लिन अमेरिका जाँदैछन् । प्रधानमन्त्री बालेन शाहको यो पहिलो औपचारिक भ्रमण समेत हो । उनको भ्रमण टोलीमा विज्ञहरु समावेश हुने धेरैले अपेक्षा गरेका थिए तर टोलीमा विज्ञ अटेनन्,स्वकीयहरु भने छुटेनन् ।

बिज्ञापन

प्रधानमन्त्री शाहसँग मुख्य सल्लाहकार कुमार व्यञ्जनकार, प्रमुख शिष्टाचार अधिकारी कुमार खरेल, निजी फोटोग्राफर विनय शाक्य, दुईजना सुरक्षाकर्मी र एकजना शिष्टाचार अधिकृत न्युयोर्क जाने टोलीमा छन् । मंगलबार साँझ ७ बजे कतार एयरवेजबाट दोहा हुँदै न्युयोर्क प्रस्थान गर्ने कार्यक्रम छ । यस अघि नै परराष्ट्रमन्त्री शिशिर खनालको नेतृत्वमा एक टोली भने अमेरिका पुगिसकेको छ । प्रधानमन्त्रीका स्वकिय सचिव प्रदीप परियार र सुवास शर्मा पनि न्युयोर्क पुगिसकेका छन् ।
प्रधानमन्त्री शाहले बिहीबार संयुक्त राष्ट्रसंघको ८१औं महासभाको ‘जनरल डिबेट’ लाई सम्बोधन गर्ने कार्यक्रम छ । विज्ञहरुका अनुसार ‘यस्ता कार्यक्रममा नेपालबाट जलवायूका क्षेत्रका विज्ञहरु लैजानुपर्ने थियो । कुनै पनि वेला हिमाल पग्लिएर अझैं ठूलो विपदमा पर्न सक्छौं । यस्तो अवस्थामा ठोस आधारसहित तिमीहरूले हामीमाथि अन्याय गरेका छौ । क्षतिपूर्तिको माग गर्छौँ भन्दै अवसरको प्रयोगका लागि राम्रो टास्कफोर्स बन्नुपर्दथ्यो । तर विज्ञहरूलाई छाडेर सल्लाहकारलाई मात्र लगिएको बिषयलाई कतिपयले ठीक भएन भनेका छन् ।’