सहसचिवबाट सचिवमा बढुवा भएका कर्मचारीहरुलाई प्रदेशमा खटाउने विगतदेखिको अभ्यास हो । पछिल्लो समय सचिव बढुवा गरिँदा बरियताका आधारमा बढुवा गर्दै आएको सरकारले तीन कर्मचारीहरुलाई भने संघमै पदस्थापन गरेको छ । पछिल्लो मन्त्रिपरिषद्को बैठकले रुद्रसिंह तामाङलाई संघमै पदस्थान गरिएको हो । गत शुक्रबारमात्र सचिवमा बढुवा भएका तामाङले सुरू पोस्टिङ नै उद्योग मन्त्रालय पाएका छन् ।

बिज्ञापन

सचिव बढुवाका लागि रुद्रसिंह तामाङ, आभा श्रेष्ठ र चक्रबहादुर बुढालाई सचिवका लागि सिफारिस भएकोमा पहिलो नम्बरमा नाम सिफारिस भएका तमाङलाई सचिवमा बढुवा गरेको सरकारले संघमै पदस्थापन गरेको हो । उद्योग मन्त्रालयका सचिव नारायणप्रसाद शर्मा दुवाडीको प्रधानमन्त्री तथा मन्त्रिपरिषद्को कार्यालयमा सरूवा गरेर तामाङलाई उद्योगमा पठाइएको हो। यस अघि दवाडी अख्तियार हुँदै उद्योग पुगेका थिए,तर दुई महिनामै सरुवामा परेका हुन । यस अघि अख्तियार दुरूपयोग अनुसन्धान आयोगमा कालीप्रसाद पराजुलीको पदस्थापन गरिएको थियो । यस्तै यसअघि इन्दु घिमिरेलाई पनि सचिवमा बढुवा हुनेबित्तिकै रक्षा मन्त्रालयमा पदस्थापन भएको थियो। इन्दुपछि प्रदेश नपठाई सीधै संघमा पदस्थापन हुने सचिव पराजुली भएका छन्।