मुस्ताङ भन्सार कार्यालयमा भन्सार एजेन्टको इजाजतपत्र झण्डै ८० प्रतिशतले भाडामा लिएर काम चलाउने गरेको पाइएको छ ।
एउटै बिचौलियाले दुई जना भन्सार एजेन्टको इजाजतपत्र भाडामा लिएर काम चलाएकै कारण वास्तविक भन्सार एजेन्टले बेरोजगार बस्नुपरेको छ ।
जबसम्म बायोमेट्रिक हाजिरी भन्सार कार्यालयमै आएर गर्ने र त्यसपछि मात्र काम गर्न पाउने व्यवस्था प्रणालीमा समावेश गरिँदैन, तबसम्म बिचौलियाहरूले सहज वातावरण सिर्जना हुन दिँदैनन् ।
मुस्ताङ भन्सार कार्यालयमा सिआइडी टोली पठाई त्यहाँ भइरहेको कामकारबाहीको निष्पक्ष छानबिन तथा अनुगमन गरियोस् ।
परिपत्र भनेको बिचौलियालाई तर्साएर बार्गेनिङ गर्ने कार्डजस्तै हो । मुस्ताङलगायत अन्य भन्सारमा दिनभर जम्मा हुने कर्मचारीको घुस यस्तै लाइसेन्स चलाउनेहरूले राखिदिन्छन् । मुस्ताङमा ‘भन्सार एजेन्ट’ भनेर चिनिनेहरू वास्तवमा बिचौलिया हुन्, इजाजतपत्र प्राप्त भन्सार एजेन्ट होइनन् ।
बिज्ञापन
– विष्णु शर्मा
