बढुवा सिफारिस समितिले तीन सहसचिवको नाम सचिव बढुवाका लागि सिफारिस गरेको छ । आज बसेको समितिको बैठकले रूद्रसिंह तामाङ, आभा श्रेष्ठ र चक्रबहादुर बुढाको नाम सिफारिस भएको हो ।
समितिले पहिलो नम्बरमा तामाङ उर्जा मन्त्रालय, दोस्रो नम्बरमा श्रेष्ठ मधेश प्रदेश र तेस्रोमा बुढाको महिला, बालबालिका, यौनिक तथा लैङ्गिक अल्पसंख्यक तथा सामाजिक सुरक्षा मन्त्रालयमा कार्यरत छन्। तामाङ आन्तरिक प्रतिस्पर्धाबाट, आभा महिला कोटाबाट र चक्र पिछडिएको क्षेत्रको कोटाबाट सहसचिव भएका हुन्।

बिज्ञापन

हिजोमात्र बढुवा भएर काली प्रसाद पराजुलीले संघीय निकाय अख्तियारमा नै पदस्थान भएका छन् । अझैं नेपाल प्रशासन सेवाको दुई निकाय सचिवविहन रहेको छ । प्रधानमन्त्री तथा मन्त्रिपरिषद्को कार्यालयमा एक र राष्ट्रिय सतर्कता केन्द्रमा नेपाल प्रशासन सेवाका सचिव रिक्त छन्। यस अघि राष्ट्रिय सतर्कता केन्द्रमा प्राविधिक सचिवको दरबन्दी रहेकोमा प्राविधिक सचिवको दरबन्दी काटेर प्रशासन सेवाका सचिवको व्यवस्था गरिएको छ ।