सरकारले विभिन्न ६ वटा महत्वपूर्ण निर्णय गरेको छ । आज बसेको क्याविनेटले चार जना सहसचिवस्तरका कर्मचारीहरुलाई सचिवमा बढुवा गर्ने निर्णय गरेको छ । बुधबार बसेको क्याविनेट बैठकले कानुन, न्याय तथा संसदीय मामिला मन्त्रालयको प्रस्तावमा नेपाल न्याय सेवा, न्याय समूहका राजपत्रांकित प्रथम श्रेणीका अधिकृतहरू खगेन्द्र कट्टेल, रामप्रसाद भट्टराई र बाबुराम दाहाललाई र प्रशासन सेवातर्फका सहसचिव कालीप्रसाद पराजुलीलाई पनि राजपत्रांकित विशिष्ट श्रेणीको सचिव पदमा बढुवा गर्ने निर्णय भएको छ।

बिज्ञापन

यस्तै, सेयर कारोबारबाट हुने नाफामा लाग्ने पुँजीगत लाभकर घटाएको छ । बुधबार बसेको मन्त्रिपरिषद् बैठकले सेयर कारोबारको पुँजीगत लाभकर घटाउन निर्णय गरेको हो । क्याविनेटले ३६५ दिन भन्दा बढी होल्ड गर्नेको हकका लाभको ३.७५ प्रतिशत पुँजीगत लाभकर लाग्ने व्यवस्था गर्ने निर्णय गरेको छ । तर ३६५ वा सो भन्दा कम अवधि होल्ड गर्नेहरुको हकमा लाभ रकमको ५ प्रतिशत अग्रिम कर कायम गर्ने निर्णय गरेको हो ।