उद्योग, वाणिज्य तथा आपूर्तिमन्त्री गौरीकुमारी यादव कर्मचारीविरुद्ध खनिएकी छिन् । ग्यास आपूर्ति सहज हुन नसकेको अबस्थामा उद्योग समितिको बैठकमा ग्यास अभावको सबै दोष कर्मचारी र व्यवसीलाई थोपरेकी हुन्। कर्मचारीले आफूलाई असहयोग गर्दा केही काम गर्न नसकेको उनको भनाइ छ । उनले उद्योगी र कर्मचारीतन्त्रको प्रभावका कारण ग्यास आपूर्ति तथा उद्योग क्षेत्र सुधारमा अपेक्षित सुधार गर्न नसकेको बताएकी हुन । मन्त्री यादवले कर्मचारीहरु उद्योगीको ईशारामा चल्ने र आफूले भनेको अटेर गर्ने गरेको बताइन् ।
बिज्ञापन
उनले सरकारभन्दा कर्मचारीतन्त्र शक्तिशाली देखिएको भन्दै प्रशासनिक संयन्त्रमाथि कडा असन्तुष्टि जनाइन । उनले भनिन्,यस्तो बलियो सरकारमा त यो हाल छ भने कर्मचारीहरूको अन्य सरकारलाई म दोष दिँदिनँ । त्यो बेला त बिचरा सबै मिलेर बनाएको सरकार थियो । अहिले यस्तो बलियो सरकारमा त कर्मचारीहरूले केही चल्न दिएको छैन ।
बिज्ञापन
उनले आफूले देश र जनताको हितमा काम गर्न खोजे पनि कर्मचारीतन्त्रबाट पर्याप्त सहयोग नपाएको गुनासो समेत पोखेकी हुन । कर्मचारीले यति दुःख दिएका छन्, म केही गर्न सक्दिनँ। उनले उद्योगीको फेवरमा नियम–कानुन बनाइएको छ। धेरै चेन्ज गर्न खोजिरहेकी छु, तर गर्न नसकिरहेको बताइन् ।
उनले भनिन्, चेन्ज गर्न खोज्दा तपाईं सबैको आँखाको तारो म बनेको छु । सबै उद्योगीहरूले मलाई टार्गेट गरिरहेका छन् । म धेरै चेन्ज गर्न खोजिरहेको छु, तर गर्न सकिरहेको छैन । कर्मचारीले साथ नदिएसम्म तपाईं केही पनि गर्न सक्नुहुन्न । तपाईं भन्नुहुन्छ नि, लोकसेवाको ब्रेन छ, त्यो ब्रेन गलत दिशामा लागेको छ। त्यो ब्रेन सही दिशामा लाग्दियो भने यो देश कहाँबाट कहाँ पुग्थ्यो ? तर पुग्दैन, किनभने तपाईंलाई साथ दिँदैन त्यहाँ । एक्लै तपाईं केही पनि गर्न सक्नुहुन्न । यो कर्मचारीतन्त्रलाई सुधार्नुपर्ने बेला आएको छ ।
उनले युवाहरूले चाह्यो भने यो कर्मचारीहरूलाई ठीक पारेर अगाडि बढ्न सक्ने बताइन् ।
बिज्ञापन
