संघीय संसदहरुलाई खाना र खाजा खुवाउने जिम्मा पूर्व राजपरिवारको लगानी रहेको सोल्टी होटलललाई दिएको केही साता पछि टेण्डर खोलेको छ । यस अघि संघीय संसद सचिवालयको ठाडो दबाबमा संसदको क्यान्टिनको ठेक्का विना टेण्डर सोल्टीलाई सुम्पिइएकोमा बल्ल टेण्डर प्रक्रिया अगाडि बढाइएको छ । यस अघि टेण्डर प्रक्रियाबाटै संसदमा क्यान्टिन चलाउने ठेक्का पाएको थियो, पोखरामा होटल रहेको सिएन पाण्डेवाला ल्याण्डमार्क कम्पनीले । नयाँ आर्थिक वर्ष लागेसँगै ठेक्का अवधि सकिएकोमा साउन महिनाभरी ल्याण्डमार्कले नै क्यान्टिन चलाइरहेको थियो तर अवधि सकिएको एक महिना बितिसक्दा नयाँ प्रक्रियाका निम्ति ठेक्का खोलिएको थिएन ।

बिज्ञापन

असार मसान्तमै टेण्डर सकिए पनि संघीय संसद सचिवालयले दुई महिना २२ दिन पछि बल्ल नयाँ टेण्डर प्रक्रिया अगाडि बढाएको हो । यस अघि मौखिक रुपमा अर्काे व्यवस्था नभएकोसम्मका क्यान्टिन चलाइदिन आग्रह बमोजिम ल्याण्डमार्कले संसदको क्यान्टिन चलाइरहेको थियो । साउन महिनामै हटाएर बीचमा विना टेण्डर सोल्टी होटललाई संसदको चमेना गृह चलाउन ठेक्का दिइएको थियो । उसलाई बीचमै हटाएर विना टेण्डर सोल्टी होटलाई ठेक्का दिइएकोमा अहिले फेरि टेण्डर प्रक्रिया अगाडि बढाइएको संघीय संसद सचिवालयले जनाएको छ ।