बिज्ञापन

बिज्ञापन

महतो अध्यागमन विभागमा कार्यरत रहँदा नेपाली पोर्ट प्रणालीमा आफ्नो पहुँच र पदको दुरुपयोग गरी कानुनबमोजिम भिसा शुल्कसमेत नलिई भिसा जारी गरेको, सरकारी राजस्व हिनामिना गरेको तथा सरकारी कागजात किर्ते गरेको पाइएसँगै उनलाई प्रहरीको केन्द्रीय अनुसन्धान व्युरोले पक्राउ गरेको हो ।

लक्जेम्बर्गका एक नागरिकले नियमानुसार १ लाख ५९ हजार ४०८ रुपैयाँ राजस्व दाखिला गरी प्राप्त गरेको आवासीय भिसा नम्बर ई २४००००००१ लाई महतोले २०८० फागुन ९ गतेमा ‘ट्राभल सेन्ट्रलाइजेसन सिस्टम’ मार्फत बदनियतपूर्ण ढंगले अमेरिकी नागरिकको नाममा गैरकानुनी रूपमा ‘क्रिएट’ तथा ‘एप्रुभ’ गरी जारी गरेको आरोप छ ।महतोलाई लिखतसम्बन्धी कसुरमा हिरासतमा राखी घटनाबारे थप अनुसन्धान भइरहेको प्रहरीले जनाएको छ ।

यस अघि अख्तियार दुरुपयोग अनुसन्धान आयोगले गत साउनमा कम्प्युटर अपरेटर राजीव महतोविरुद्ध गलत लिखत एवं सरकारी कागजात सच्याई भ्रष्टाचार गरेको आरोपमा मुद्दा दायर गरेको थियो ।