काठमाडौं। नेपाल विद्युत् प्राधिकरणले भोटेकोसी बाढीका कारण विद्युत् अवरुद्ध बनेको रसुवाको कालिका गाउँपालिका र नौकुण्ड गाउँपालिकाका अधिकांश क्षेत्रमा विद्युत् सेवा पुनः सुचारु भएको छ। प्राधिकरणले सोमबार दिउँसो उक्त जानकारी गराएको हो। प्राधिकरणले गोसाइँकुण्ड गाउँपालिकाको धुन्चे, भार्खु र गोसाइँकुण्ड क्षेत्रमा पनि बत्ती बलेको दाबी गरेको छ। यद्यपि यहाँका स्थानीयले भने मोबाइल चार्ज गर्न नपाएर आफन्तसँग सम्पर्क समेत गर्न पाएका छैनन्।

बिज्ञापन

बाढीले प्रत्यक्ष प्रभावित नभए पनि नुवाकोटको तारकेश्वर गाउँपालिका वडा १ लगायत ठाउँमा पनि विद्युत् अवरुद्ध भएको छ। भदौ १० गते देखि नै विद्युत् सेवा अवरुद्ध भएर स्थानीयले अध्यांरोमा बस्न बाध्य भएका छन्। मोबाइल फोन समेत चार्ज गर्न नपाएर आफन्तसँग सम्पर्क गर्न नसकिएको यहाँका स्थानीयले बताएका छन्।