चीनको जलस्रोत मन्त्रालयले नेपालको छोचेन खोला र पुरेपु साङ्पो नदीको संगमनजिक ठूलो प्राकृतिक बाँधयुक्त ताल (ब्यारियर लेक) बनेको जनाएको छ ।
बिज्ञापन
छोचेन खोला र पुरेपु त्रिशूली नदी अन्तर्गतका माथिल्ला सहायक नदी हुन । यी नदीहरू चीनको तिब्बत स्वायत्त क्षेत्रमा उद्गम भई बग्ने र नेपाल प्रवेश गरेपछि त्रिशूली नदीमा मिसिन्छन् । तिब्बत बाट बगेर आउने पुरेपु र छोचेन खोला नेपालको रसुवागढी नजिक प्रवेश गरेपछि भोटेकोशीरत्रिशूली नदी प्रणालीमा गाभिन्छन् ।
बिज्ञापन
चिनियाँ सरकारी टेलिभिजनका अनुसार बिहीबार बिहानसम्म उक्त तालमा करिब २० लाख घनमिटर पानी जम्मा भइसकेको छ र तालबाट पानी बाहिरिन थालेको छ । आगामी तीन दिनभित्र थप ३० लाख घनमिटर पानी तालमा थपिने र जसले गर्दा ताल फुट्ने उच्च जोखिम देखिएको ‘चाइना सेन्ट्रल टेलिभिजन, सिसिटीभी’ले बिहीबार जनाएको छ।
मन्त्रालयका अनुसार आगामी तीन दिनमा थप ३० लाख घनमिटर पानी तालमा जम्मा हुने र यसले ताल फुट्ने जोखिम उच्च बनाएको चिनियाँ अधिकारीहरूले चिन्ता व्यक्त गरेका छन् । समाचार अनुसार चिनियाँ जलस्रोत मन्त्रालयले तालको अवस्थाबारे नजिकबाट निगरानी गरिरहेको छ। साथै, सम्भावित रूपमा ताल फुट्ने अवस्थाको सामना गर्न र आपतकालीन उद्धार कार्यमा सहयोग पुर्याउन बाढी सम्बन्धी नक्कल अभ्यास तथा विश्लेषणहरू पनि गरिरहेको छ।
बिज्ञापन
चिनियाँ अधिकारीहरूले सम्भावित ताल फुटेमा त्यसबाट उत्पन्न हुने बाढीको जोखिमलाई समेत ध्यानमा राखेर आवश्यक पूर्वतयारी र उद्धार क्षमता बढाइरहेका छन्।
