सरकारले भोटेकोशी–त्रिशूली बाढीमा परेकाहरुलाई उद्धार तथा राहतको प्रभावकारी काम गर्नका लागि ८ जना सहसचिवहरुलाई विभिन्न फरक फरक जिम्मेवारी दिएको छ ।

बिज्ञापन

राष्ट्रिय विपद् जोखिम न्यूनीकरण तथा व्यवस्थापन प्राधिकरणका अनुसार,विपद्पछि बाढीमा परेकाहरुको उद्धार,खोज,प्रभावकारी उपचारदेखि शव पहिचान गर्नका लागि विभिन्न मन्त्रालयका सहसचिवहरुको नेतृत्वमा टोली बनाइएको हो ।
जस अनुासर, प्रभावकारी उपचारको व्यवस्थापनको जिम्मेवारी स्वास्थ्य मन्त्रालयका सहसचिव डा हेमन्त चन्द्र ओझालाई तोकिएको छ भने उद्धार गरिएका, बेपत्ता तथा मृतकको नामावली सार्वजनिक गर्न गृह मन्त्रालयका सहसचिव फणीन्द्र पौडेललाई संयोजक तोकिएको छ । हराएका मानिसको तीव्र खोजतलासका लागि गृह मन्त्रालयका लोकेन्द्र अधिकारीलाई जिम्मेवारी तोकिएको छ । यस्तै प्राधिकरणका अनुसार,सञ्चार व्यवस्थापनको जिम्मेवारी सहसचिव गौरव गिरी,सहज हवाई उद्धार तथा उडान समन्वयका लागि नागरिक उड्डयन प्राधिकरणका महानिर्देशक मुकेश डंगोललाई तोकिएको छ ।