महालक्ष्मी नगरपालिकाले भोटेकोशी नदीमा आएको भीषण आकस्मिक बाढीका कारण प्रभावित नागरिकहरूको खोज, उद्धार, तत्काल राहत तथा दीर्घकालीन पुनर्स्थापनाका लागि ‘प्रधानमन्त्री दैवी प्रकोप उद्धार कोष’ मा ३० लाख रुपैयाँ आर्थिक सहयोग प्रदान गर्ने घोषणा गरेको छ। सो रकम नगरपालिका विपद् कोषबाट प्रधानमन्त्री दैवी प्रकोप उद्धार कोषमा दाखिला गर्ने निर्णय गरेको हो ।

बिज्ञापन

रसुवा जिल्लाको भोटेकोशी नदीमा आएको आकस्मिक बाढी र त्यसपश्चात् उत्पन्न विपद्को घडीलाई मध्यनजर गर्दै उक्त रकम ‘प्रधानमन्त्री दैवीप्रकोप उद्धार कोष’ मा प्रदान गर्ने निर्णय गरिएको पालिकाले जनाएको छ । यस्का अलवा महालक्ष्मी नगरपालिकाका सम्पूर्ण जनप्रतिनिधिको तर्फबाट १ महिनाको सेवा सुविधा वापत हुन आउने रकम र नगरपालिकामा कार्यरत सम्पूर्ण कर्मचारीहरुको ७ दिन बराबरको तलबबाट कट्टा गरी हुन आऊने रकम समेत सहयोग गरिने पालिकाले जनाएको छ ।