बिज्ञापन

बिज्ञापन

बाढी आएको समयमा उनीहरू कार्यालयमै कार्यरत रहेको बताइएको छ। बाढीले अध्यागमन कार्यालयसमेत पूर्णरूपमा बगाएको छ। कार्यालयमा पाँच जना कर्मचारी कार्यरत रहेकामा एक जना भने बिदामा रहेका थिए।

बाढी आउनुअघि अध्यागमन कार्यालयले करिब ८० वटा डिपार्चर जारी गरिसकेको विभागले जनाएको छ। त्यसपछि आएको बाढीका कारण कार्यालय तथा आसपासको क्षेत्रमा ठूलो क्षति पुगेको छ भने कर्मचारीहरूको अवस्थासमेत अज्ञात बनेको छ।

त्यस्तै, रसुवा भन्सार कार्यालयमा कार्यरत १५ जना कर्मचारी पनि बाढीपछि सम्पर्कविहीन रहेको जनाइएको छ। सम्पर्कविहीन हुने कर्मचारीहरूमा नकुल शर्मा, राजेन्द्र सोबहादुर, विष्णु भुसाल, दिनेश घिमिरे, अनिता पुरी, विकास तामाङ, भीम लामा, गोविन्द अधिकारी, सुनिल गुरुङ, नरेश दत्त जोशी, रामबहादुर नेपाली, राजु वली, विमल त्रिपाठी, प्रेम सेढाई र हरिबहादुर खड्का रहेका छन्।

भोटेकोशी नदीमा आएको बाढीले रसुवागढी क्षेत्रका सरकारी कार्यालय, सुरक्षा निकायका संरचना तथा अन्य भौतिक पूर्वाधारमा समेत ठूलो क्षति पुर्‍याएको छ। बाढीपछि सम्पर्कविहीन कर्मचारीहरूको खोजी तथा उद्धारका लागि सुरक्षा निकाय परिचालन गरिएको छ।

अध्यागमन र भन्सारजस्ता अत्यन्त संवेदनशील सरकारी कार्यालयमा कार्यरत कर्मचारी नै ठूलो संख्यामा सम्पर्कविहीन भएपछि घटनाले गम्भीर मानवीय संकटको रूप लिएको छ। सम्पर्कविहीन कर्मचारीहरूको अवस्था यकिन हुन बाँकी छ।