बिज्ञापन

बिज्ञापन

स्वीकृत ओएनएम अनुसार,कृषि तथा वन तर्फको सबैभन्दा बढी १५६२ दरबन्दी कटौतीमा पर्दा गृह मन्त्रालयमा भने ९३ दरबन्दी थप भएको छ । गृह मन्त्रालयले संगठन तथा व्यवस्थापन सर्वेक्षण (ओएनएम) २०८३ मार्फत कुल कर्मचारी दरबन्दी ४ हजार ४८२ बाट बढेर ४ हजार ६११ पुगेको छ। अर्थात् समग्रमा १२९ दरबन्दी थप भएका छन्। नयाँ ओएण्डएमअनुसार उपसचिवको दरबन्दी ६ थप गरिएको छ। यसअघि १५५ रहेकोमा अब १६१ पुगेको छ। त्यस्तै शाखा अधिकृतमा ५३ दरबन्दी थप गरिएको छ। शाखा अधिकृतको संख्या ५९१ बाट बढाएर ६४४ पुर्‍याइएको छ। नायब सुब्बाको दरबन्दीमा ५१ थप गरिएको छ। यससँगै नायब सुब्बाको संख्या १ हजार ३७० बाट १ हजार ४२१ पुगेको छ। खरिदारमा ३ दरबन्दी थप गरिएको छ । वन मन्त्रालय मातहतबाट समरजंग कम्पनी गृहमा ल्याइएका कारण सो दरबन्दी थपिएको गृहले जनाएको छ ।
यता,पूर्वाधार विकास मन्त्रालयमा २३ दरबन्दी थप भएको छ । साविकमा सो मन्त्रालयमा २९१ दरबन्दी रहेको छ । प्रधानमन्त्री तथा मन्त्रिपरिषद्को कार्यालयले नयाँ ओएनएम गरी ४ जनाको दरबन्दी कटौती गरेको छ । भूमि व्यवस्था संघीय मामिला मन्त्रालयमा साविकमा ४१८ दरबन्दी रहेकोमा मातहतका निकाय समेत गरी १३९ दरबन्दी कटौतीमा परेको छ ।

यस्तै महिला बालबालिका मन्त्रालयमा भने २३ जनाको दरबन्दी थपेर १८३ कायम गरिएको छ । युवा श्रम तथा रोजगार मन्त्रालयको २५ दरबन्दी कटौतीमा परेको छ । रक्षा मन्त्रालयले १८ दरबन्दी कटौती गरेर ओएनएम स्वीकृत गराएको छ । उता,शिक्षा तथा खेलकुद मन्त्रालयमा साविकमा ९८६ दरबन्दी रहेकोमा ८२ दरबन्दी घटाएको छ । पर्यटन मन्त्रालयको ७९८ बाट १६१ दरबन्दी कटौतीमा परेको छ । यस्तै सूचना तथा सञ्चारबाट ५२ दरबन्दी कटौतीमा पर्दा स्वास्थ्यको साबिकको १२९९ दरबन्दीबाट ४७० कटौतीमा परेको छ । उर्जा जलस्रोत तथा सिँचाइ मन्त्रालयअन्तर्गत ४७० दरबन्दी काटिएको छ । स्वीकृत ओएनएमअनुसार गृहमा ९३, विज्ञान, प्रविधि तथा नवप्रवर्तन मन्त्रालयमा ९० र पूर्वाधार विकास मन्त्रालय र महिला बालबालिका, लैंगिक तथा यौनिक अल्पसंख्यक र सामाजिक सुरक्षा मन्त्रालयमा २३–२३ दरबन्दी गरी २२९ दरबन्दी थप भएको छ । जसमा नवप्रवर्तन मन्त्रालय नयाँ हो ।