हङकङबाट फिर्ता भएका डा. विन्देश्वरप्रसाद लेखक प्रदेश सरकारले गृह,सञ्चार र कानुन सचिवको जिम्मेवारी दिएको छ । प्रदेश सरकारको पछिल्लो क्याविनेट बैठकले लेखकलाई गृह,सञ्चार र कानुन मन्त्रालयको जिम्मेवारी दिएको हो । ओली सरकारले लेखकलाई ०८१ चैतमा महावाणिज्यदूतको जिम्मेवारीसहित हङकङ पुगेका थिए तर वालेन नेतृत्वको सरकार बनेसँगै गत वैशाखमा फिर्ता बोलाइएको थियो ।

बिज्ञापन

०७९ चैतमा आन्तरिक प्रतिस्पर्धाबाट प्रशासन सेवाको सहसचिवमा उक्लिएका लेखकलाई झण्डै आठ महिना परराष्ट्र मन्त्रालयको बरण्डामा राखेर हङकङको महावाणिज्यदूत बनाएर खटाइएको थियो । उनी झण्डै आठ महिना परराष्ट्र मन्त्रालयको अतिरिक्त समूहमा बसेर आफैंले रोजेको मुलुकमा महावाणिज्यदूतको जिम्मेवारी सम्हाल्न सफल पनि भए । हङकङको महावाणिज्यदूत रहेका आदिवासी,जनजाति पृष्ठभूमिका सहसचिव उदयबहादुर राना चार बर्षको कार्यकाल पूरा गरेर फर्किए पछि सो ठाउँमा उनलाई खटाइएकोमा वालेन सरकार बनेसँगै उनलाई परराष्ट्र मन्त्रालयमा तानेर मधेश प्रदेशमा खटाएको थियो । मधेश प्रदेश सरकारले लेखकलाई गृह,सञ्चार तथा कानुन मन्त्रालयको सचिवको जिम्मेवारी दिएको हो । शाखा अधिकृत हुँदा विश्व बैंक, उपसचिव हुँदा जापान र सहसचिव भएपछि हङकङ पुगेका विन्देश्वर वालेन सरकार बनेसँगै मधेश प्रदेश पुगेका हुन । त्यहाँको शक्तिशाली मानिएको मन्त्रालयमध्ये एक गृह,सञ्चार र कानुन मन्त्रालयको सचिव बन्न पुगेका छन् ।