आगामी २६ असारबाट रिलिज हुने चलचित्र भागदौडको ट्रेलर सार्वजनिक भएको छ । निर्माण टिमले आइतबार ओएसआर डिजिटलको युट्युब च्यानलमार्फत ट्रेलर सार्वजनिक गरेको हो । भागदौड सिनेमाको टेलर २ मिनेट लामो छ ।
यो चलचित्रमा विशाल पोखरेल, अनीशा श्रेष्ठ, घनश्याम जोशी, सारा राई, शेखर चापागाईं, देशभक्त खनाल, लक्ष्मी गिरी, शंकर महर्जन र सुभाष तिमिल्सिना लगायतका कलाकारहरूको अभिनय रहेको छ ।

बिज्ञापन

सार्वजनिक ट्रेलरमा मानिसको दैनिक जीवनको निरन्तर दौडधुप र संघर्षलाई केन्द्रमा राखिएको देखिन्छ । चलचित्रले आधुनिक समाजमा देखिने लोभ लालच अनि जालझेलका अनेकौं पक्षहरूबाट उत्पन्न हुने नैतिक संकटको कथा बोलेको छ ।