नागरिक लगानी कोषको कार्यकारी निर्देशकमा पर्वतकुमार कार्की नियुक्त भएका छन् । बुधबार बसेको मन्त्रिपरिषद् बैठकले कार्यकारी निर्देशकमा कार्कीलाई नियुक्त गरेको हो ।
बिज्ञापन
रमण नेपालले कार्यकाल सकिएसँगै रिक्त रहेको कोषको कार्यकारी निर्देशकमा नियुक्त भएका कार्की ४ बर्षे कार्यकालका लागि नियुक्त भएका हुन । कार्की नेपाल राष्ट्र बैंकको ३० वर्ष काम गरेर कार्यकारी निर्देशक पाएका कर्मचारी हुन । राष्ट्र बैंकबाट अवकाश भएपछि उनी २०७३ मा ४ वर्षका लागि नेपाल ग्रामीण विकास वित्तीय संस्थाको प्रमुख कार्यकारी अधिकृत नियुक्त भएका थिए ।
बिज्ञापन
कोषका कार्यकारी निर्देशकका लागि अर्थ मन्त्रालयले गठन गरेको कार्यकारी निर्देशक सिफारिस समितिले पर्वतकुमार कार्कीसहित राष्ट्र बैंकको निर्देशकबाट अवकाश पाएका राजेन्द्र पण्डित, लेखनाथ शर्मा पंगेनी, विश्वमोहन अधिकारी र डा शिवहरि श्रेष्ठ सर्ट लिस्टमा परेका थिए । जसमध्ये कार्कीसहित राजेन्द्र पण्डित र लेखनाथ शर्मा पंगेनीको नाम नियुक्तिका लागि सिफारिस भएका थिए । पंगेनी र पण्डितलाई पछि पार्दै कोषमा कार्की नियुक्त भएका हुन् ।
