प्रहरीको केन्द्रीय अनुसन्धान ब्युरो सीआईबीले एनसेलको मुख्य कार्यालयमा छापा मारेको छ । दूरसञ्चार सेवा प्रदायक संस्था एनसेलको मुख्यालय,धापासीमा सिआइबीको टोलीले छापा मारेको छ । त्यस क्रममा केही कागजपत्र नियन्त्रणमा लिएको बताइएको छ ।
बिज्ञापन
एनसेल र स्मार्ट सेलवीच भएको कारोबारवारे अध्ययन गर्न बनेको कार्यदलको प्रतिवेदनका आधारमा छापा मारिएको जनाइएको छ ।
सरकारी स्वामित्वमा आइसकेको स्मार्ट टेलिकमको सम्पत्ति नेपाल इन्भेस्टमेन्ट मेगा बैंकको मिलेमतोमा लिलाम बिक्री गरिँदा उक्त सम्पत्ति एनसेलले खरिद गरेको थियो । नवीकरण नभई स्वतः सरकारी स्वामित्वमा आएको सम्पत्ति एनसेलले सस्तो मूल्यमा खरिद गरी राज्यलाई हानी पुराएको आरोपमा अनुसन्धान जारी छ ।
बिज्ञापन
प्रहरीको केन्द्रीय अनुसन्धान ब्युरोले नेपाल इन्भेष्टमेन्ट बैंकका सिइओ ज्योतीप्रकाश पाण्डेलाई गत मंगलबार राति सिन्धुलीको कमलामाई नगरपालिका–६ स्थित बसपार्कबाट पक्राउ गरेको थियो । यसअघि स्मार्ट टेलिकमका तत्कालीन प्रबन्ध निर्देशक सर्वेश जोशी पनि पक्राउ परिसकेका छन् ।
यो प्रकरणमा स्मार्ट टेलिकमका तत्कालीन प्रबन्ध निर्देशक सर्वेश जोशी, नेपाल इन्भेष्टमेन्ट मेगा बैंकका सिईओ ज्यातिप्रकाश पाण्डेसमेत पक्राउ परेपछि यसको अनुसन्धान निजी मोबाइल सेवाप्रदायक एनसेलसम्म पुगेको हो ।
बिज्ञापन
