रिक्त रहेको बजेट लेखन टिमले पूर्णता पाएको छ । सरकारले २५ जना सहसचिवको सरुवा गर्दा ५ जना सहसचिव अर्थमन्त्रालयबाट बाहिरिएका छन्। यसरी सरुवा हुँदा
आर्थिक नीति विश्लेषण महाशाखा प्रमुखको जिम्मेवारीमा रहेका सहसचिव महेश भट्टराईको बागमती प्रदेशको मुख्यमन्त्री तथा मन्त्रिपरिषद्को कार्यालयमा र शेवन्तक पोखरेललाई मधेश प्रदेशतिर पुर्याइएको छ । पाँच मध्ये दुई सहसचिवहरु आगामी आर्थिक वर्ष २०८३/ ८४ को बजेट लेखन टिममा थिए ।
अर्थ मन्त्रालयले २० चैतमा गठन गरेको समितिबाट सहसचिवद्वय महेश भट्टराई र सेवन्तक पोखरेललाई १० वैशाखमा सरुवामा परेसँगै बजेट लेखन समूह तितर वितर हुन पुगेको थियो ।
अर्थ मन्त्रालयले बजेट लेखन टिममा हालैमात्र भन्सारबाट भित्र्याइएका उपमहानिर्देशक तथा सहसचिव अमृत लम्साल र यस अघि प्रवक्ताको भूमिकामा रहेका टंकप्रसाद पाण्डेयलाई समितिमा नियुक्त गरिएको छ।
बिज्ञापन
समितिको संयोजकमा सहसचिव तथा राजस्व व्यवस्थापन महाशाखा प्रमुख उत्तरकुमार खत्री रहेका छन्। सदस्यहरूमा बजेट तथा कार्यक्रम महाशाखा प्रमुख डा सुमन दाहाल र अन्तर्राष्ट्रिय आर्थिक सम्बन्ध महाशाखा प्रमुख धनीराम शर्मा छन्।
बिज्ञापन
