बिज्ञापन

बिज्ञापन

नेपाल राष्ट्र बैंकले यस अघि ०८२ असोज ३० मा सूचना प्रकाशन गर्दै अतिथि गृहका लागि होटल सेवा खरिद गर्न सिलबन्दी दरभाउ पत्र आह्वान गरिएकोमा थियो तर तोकिएको अवधि भित्र पेश भएका सिलबन्दी दरभाउ पत्र यथावत् राखी पुनः प्रस्ताव आह्वान गरिएको छ । नेपाल राष्ट्र बैंक खरिद विनियमावली २०७१ (पाँचौं संशोधनसमेत)को विनियम ९१ बमोजिम अतिथि गृह सेवा करारमा लिनुपर्ने भएकोले इच्छुक होटल तथा अतिथि गृह वा गेष्ट हाउसहरूबाट सूचना प्रकाशित भएको मितिले १५ कार्यदिनभित्र रीतपूर्वक सिलबन्दी प्रस्ताव पेस गर्न आह्वान गरिएको सूचनामा उल्लेख छ ।

इच्छुक होटल तथा गेस्ट हाउसहरूले आगामी १३ माघको दिउँसो १ बजेसम्म रितपूर्वक फाराम भरी दरखास्त हाल्न सक्ने बैंकले सूचनामा भनेको छ । तथापि, सेवा दिन चाहने होटल तथा गेस्ट हाउसले दरखास्तसँगै ५० हजार रुपैयाँ नगद धरौटी बुझाउनुपर्ने केन्द्रीय बैंकले जनाएको छ । सूचनामा,अतिथि गृह तथा होटल राष्ट्र बैंक रहेको क्षेत्र बालुवाटार र थापाथलीस्थित कार्यालय आसपास, महाराजगञ्ज, धुम्बराही, चाबहिल, गौशाला, एयरपोर्ट, सिनामंगलसम्म चक्रपथ क्षेत्रको कम्तीमा १ किलोमितरसम्मको दूरीमा हुनुपर्ने पनि शर्त राखिएको छ ।

जिल्ला तथा प्रदेशका बैंकका कर्मचारी काठमाडौं आउँदा बास बस्नका लागि योग्य सुविधाजन अतिथि गृहका लागि केन्द्रीय बैंकले वार्षिक सम्झौता नै गर्ने गरी होटल, गेस्ट हाउस तथा अतिथि गृहहरूका लागि केन्द्रीय बैंकले सिलबन्दी दरभाउ पत्र खोलेको हो ।