गत आर्थिक वर्ष ८१/ ८२ मा लोकसेवा पास गरेर निजामतीमा स्थायी जागिर खानेमा जुम्लाका सबैभन्दा धेरै रहेको भेटिएको छ । लोकसेवा आयोगको प्रतिवेदन अनुसार विभिन्न सेवा, समूह सञ्चालन गर्ने निकाय तथा कार्यालयहरूका रिक्त पदमा नियुक्तिका लागि कुल २ हजार ५ सय ९२ जना उम्मेदवार सिफारिस हुँदा जुम्ला जिल्लाबाटै ११५ जना स्थायी नियुक्तिका लागि सिफारिस भएका हुन । जुन प्रतिशतका आधारमा ४ दशमलव ४४ प्रतिशत हो ।
बिज्ञापन
आयोगको ६६ औं प्रतिवेदन केलाउँदा लोकसेवा भीडेर स्थायी नियुक्ति लिनेमा जुम्लेलीहरु अग्रपक्तिमा रहेका छन् । सो जिल्लाबाट मात्र प्रतिशतका आधारमा ४ दशमलव ४४ प्रतिशत स्थायी नियुक्तिका लागि सिफारिस भएका छन् ।
बिज्ञापन
निजामती प्रवेशको फलामे ढोका मानिने लोकसेवा परीक्षा भीडेर नाम निकाल्नमा अघिल्लो बर्ष स्याङ्जालीहरु दोश्रो बनेका छन् । स्याङ्जाका ३६ महिलासहित ९२ जनाले स्थायी नियुक्ति लिएका छन् । यो कुल स्थायी नियुक्ति लिने संख्याको ३ दशमलव ५५ प्रतिशत हो । यस पटक गुल्मी पहिलोबाट तेस्रोमा झरेको छ । अघिल्लो आर्थिक बर्षमा गुल्मीले रेकर्ड तोडेको थियो । गत आर्थिक बर्षमा गुल्मीबाट गत आर्थिक बर्षमा ३४ महिला र ४५ पुरुषसहित ८० जना स्थायी नियुक्तिका लागि सिफारिस भएका छन् । यो कूल ३ दशमलव ०९ प्रतिशत हो । यस्तै, धनुषाबाट १४ पुरुष, ५८ महिलासहित ७२ जना स्थायी नियुक्तिका लागि सिफारिस भएका छन् । प्रतिशतमा यो २ दशमलव ७८ प्रतिशत हो । यस्तै,पाँचौ नम्बरमा काठमाडौं रहेको छ । जहाँबाट २ दशमलव ७४ प्रतिशतले स्थायी नियुक्ति पाएका छन् । काठमाडौंबाट गत बर्ष ७१ जना स्थायी नियुक्तिका लागि सिफारिस हुँदा ३९ महिला र ३२ पुरुष गरी ७१ जना रहेका छन् । यता सबैभन्दा धेरै दरखास्त हाल्ने जिल्लाका रुपमा चिनिएका सर्लाहीबाट २८ महिला र ४३ पुरुषसहित ७१,कञ्चनपुरबाट २८ महिला र ३८ जना पुरुषसहित ६६ जना स्थायी नियुक्तिका लागि सिफारिस हुँदा दैलेखबाट १७ महिला र ४८ पुरुषसहित ६५ जना स्थायी नियुक्तिका लागि सिफारिस भएका छन् । आयोगका अनुसार,रुकुम पश्चिमबाट ६३,बारा जिल्लाबाट ६२,रौतहटबाट ६१,कैलालीबाट ६० जना स्थायी नियुक्तिका लागि सिफारिस भएका छन् ।
यता पढ्नमा माथि उल्लेखित जिल्लाहरु अगाडि देखिँदा खेताला उमेद्धार अगाडि सार्नेदेखि चिट चोर्नेसम्मका परीक्षार्थी ! त्यसमा पनि सबैभन्दा बढी अनुशासनमा रहने मानिएको सुरक्षा संगठनतर्फको परीक्षामा यस्तो बदमासी र लापरवाही देखिएको छ, लोकसेवाको परीक्षामा । आयोगले ०७३/७४ देखि सुरक्षा निकायको विज्ञापन गर्दै आएको छ । जसमा पछिल्लो पटकमात्र सुरक्षा संगठनतर्फका ३६ परीक्षार्थी अनियमिततामा डामिएर कारवाहीमा परेका छन् । अघिल्लो आर्थिक बर्ष लोकसेवाले सञ्चालन गरेको परीक्षामा सहभागी भएका उमेद्धारमध्ये निजामती सेवातर्फ ३ महिला र २ पुरुष गरी ५ जना,सङ्गठीत संस्थातर्फ २ महिला र ८ पुरुष गरी १० परीक्षार्थी कारवाहीमा पर्दा सुरक्षा निकायतर्फ ३६ फन्दामा परेका हुन ।
बिज्ञापन
आयोगका अनुसार खेताला लगाएर परीक्षा दिनेमा सबैभन्दा बढी नेपाल प्रहरीतर्फका १७ जना रहेका छन् । यस्तै, प्रश्नपत्र च्यात्ने १ र उत्तर पुस्तिका बोकेर घर जाने ८,इलेक्ट्रिक डिभाइस प्रयोग गर्ने ३ गरी २९ जनाले एक देखि तीन बर्षसम्म परीक्षा दिन नपाउने भएका छन् । उता, नेपाली सेनातर्फका अमर्यादित गतिविधि गर्ने ७ फन्दामा परेका छन् । इलेक्ट्रिक डिभाइस प्रयोग गर्ने १ महिला र २ पुरुष गरी ३,चिट चोर्ने १ र उत्तर पुस्तिका च्यात्ने ३ परीक्षार्थीहरु १ देखि ३ बर्षसम्म परीक्षा दिन नपाउने गरी कारवाहीमा परेका हुन । यसरी परीक्षामा अनियमित कार्य गर्नेमा ४४ पुरुषसहित ५१ जना रहेका छन् । कारवाहीमा परेकामध्ये १० को परीक्षा रद्ध,१ बर्षसम्म परीक्षामा सामेल हुन नपाउने गरी कारवाहीमा परेका ७,२ बर्षसम्म परीक्षामा सहभागी हुन नपाउने ८ र तीन बर्षसम्म लोकसेवा भीड्न नपाउने गरी कारवाहीमा पर्नेको संख्या १६ जना रहेका छन् ।
