बिज्ञापन

बिज्ञापन

तर यसपटक भने तस्वीर बदलिएको छ। पालिका र वडाले बेवास्ता गरेको ठाउँमा जेनेजी समूहका युवाहरू आफैं जुटे। सामुदायिक जिम्मेवारीलाई आत्मसात् गर्दै उनीहरूले “गाउँलाई सफा र व्यवस्थित बनाउने” अभियान थाले।

आज २०८२ असोज १३ गते, समूहले वडाका विभिन्न टोलहरूमा डस्टबिन र बेन्च स्थापना गर्दै गाउँलाई नयाँ रूप दिन थालेका छन्। एकैदिनमा गाउँलेहरूले आँखा अगाडि देख्ने गरी परिवर्तन अनुभव गरे।

यो अभियान अन्तर्गत सामग्री राखिएका स्थानहरू यसप्रकार छन्: घलेगढी ढुङ्गे, माथिल्लो कर्मिडाँडा, बिमिरे आोडारडाँडा,विश्वकर्मा टोल,कर्मिडाँडा,  दुई तले टोल ,  मनिगाउँ , चौरखर्क ,भलायडाँडा ।

स्थानीयवासीको भनाइमा, “गाउँपालिका र वडा कार्यालयले गर्ने जिम्मेवारी आफ्नै गाउँका युवाले पूरा गरिदिँदा हामी गर्वित भएका छौं।”

युवाहरूले यो काम “अहिले नगरे कहिले गर्ने, हामीले नगरे कसले गर्ने” भन्ने भावनासहित सुरु गरेका हुन्। उनीहरूको भनाइमा, अरूलाई दोष दिने भन्दा आफैं केही गर्नुपर्छ भन्ने सन्देश दिनका लागि यो सानो काम सुरु गरिएको हो।

जेनेजी समूहको सक्रियताले न केवल फोहोर व्यवस्थापन र विश्रामस्थल निर्माणमा मद्दत गरेको छ, बरु गाउँमा “साझेदारी र जिम्मेवारी” को नयाँ चेतना पनि जगाएको छ।

अभियानमा प्रत्यक्ष र अप्रत्यक्ष रूपमा सहयोग गर्ने सम्पूर्ण दाजुभाइ तथा साथीहरूलाई समूहले विशेष धन्यवाद दिएको छ।