एनआइसी एशिया बैंकका प्रमुख कार्यकारी अधिकृत (सीईओ) रोशन न्यौपानेले राजीनामा दिएका छन् । एक बर्ष कार्यकाल बाँकी रहँदै उनले प्रमुख कार्यकारी अधिकृतबाट राजीनामा दिएका हुन । न्यौपानले दिएको राजीनामा केही अघि स्वीकृत गरेको छ,सञ्चालक समितिले ।

बिज्ञापन

झण्डै १७ बर्ष लामो बैकिङ करिअरमा सात बर्ष त उनी प्रमुख प्रशासकीय अधिकृतकै रुपमा कार्यरत रहे । रसुवा जिल्ला स्थायी घर भएका न्यौपानेले सन् २००८ अप्रिलदेखि तत्कालिन बैंक अफ एशियाबाट जागिर शुरु गरेका हुन । २८ वर्षको उमेरमा आन्तरिक लेखा परीक्षण विभागको इन्चार्जको जिम्मेवारीबाट बैंकको सेवामा जोडिएका न्यौपाने प्रमुख जोखिम अधिकृत हुँदै सन् २०१८ मा सहायक प्रमुख कार्यकारी अधिकृत भएका थिए। सहायक प्रमुख कार्यकारी अधिकृत हुँदै निमित्त प्रमुख कार्यकारी अधिकृत हुँदै सञ्चालक समितिको बैठकले ०७५ मंसिर १६ गतेदेखि लागू हुने गरी ४ वर्षको लागि प्रमुख कार्यकारी अधिकृतमा नियुक्त गरेको थियो । उनी ३८ वर्षको उमेरमा नै वाणिज्य बैंकको सिइओ बनेर रेकर्ड कायम गरेका थिए । यस्तै सञ्चालक समितिले २०७९ कात्तिक १६ गते दोस्रो पटक ४ वर्षका लागि एनआईसीको सीईओमा नियुक्त भएका थिए । उनको कार्यकाल अझैं एक बर्ष बाँकी थियो ।