जेनजीका प्रतिनिधिहरूले पूर्वप्रधानन्यायाधीश सुशीला कार्कीको नाम अन्तरिम सरकार प्रमुखका लागि प्रस्ताव गरेपछि बिहीबार बिहान प्रधानसेनापति अशोकराज सिग्देलसँग पूर्व प्रधानन्यायधीश सुशीला कार्कीको भेटवार्ता चलिरहेको छ ।
बिज्ञापन
जेनजी प्रतिनिधिहरूको उपस्थितिमा कार्की र सिग्देलबीच वार्ता चलिरहेको छ । छलफलका लागि पूर्व प्रधानन्यायशीश कार्की पति दुर्गा सुवेदीसँगै जङ्गी अड्डा पुगेकी हुन ।भित्र सुशीला कार्की र उनका श्रीमान् दुर्गा सुवेदीसँग प्रधान सेनापतिको झण्डै एक घण्टादेखि छलफल भइरहेको छ । संविधान सँशोधन,प्रधानमन्त्रीमा नियुक्ति प्रक्रिया र सँघीयतावारे कुरा मिल्न बाँकी छ ।
बिज्ञापन
भित्र वार्ता चलिरहँदा बाहिर नेपाली सेनाले जङ्गीअड्डा वरिपरि कडाइ गरेपछि युवाहरू सुन्धारास्थित धरहराअगाडि भेला भएर नाराजानी गरिरहेका छन् । मुख्यालय अगाडि नै नाराबाजी गर्न थालेपछि आज युवालाई सेनाले सुन्धारातिर पुर्याइएको छ ।
नेपाली सेनाको मुख्यालय नजिकै धरहरा वरपर जम्मा भएको युवाहरुको भीडले सुशीला कार्कीको विरोधमा नाराबाजी गरेको छ । भीड बढ्दै गएकाले भद्रकाली वरपर सेनाले सुरक्षा कडा बनाएको छ । सेनाले भीड नगर्न र धराहरा क्षेत्रबाट हट्न माइकिङ शुरु गरेको छ ।
बिज्ञापन
बिहानैदेखि सुन्धारामा भेला भएका युवाले ‘सुशीला कार्की मान्दैनौँ’ भन्दै नाराबाजी गरिरहेका छन् । उनीहरूलाई सेनाले माइकिङ गरेर धैर्य बस्न अनुरोध गरेको छ ।
