सरकारले आगामी आर्थिक वर्ष २०८२/ ८३ का लागि १९ खर्ब ६४ अर्ब ११ करोडको बजेट ल्याएको छ ।
बिज्ञापन
उपप्रधान एवं अर्थमन्त्री विष्णु पौडेलले बिहीबार संघीय संसदको संयुक्त बैठकमा बजेट ल्याएका हुन् । अर्थमन्त्री पौडेलले चालु आवको भन्दा १ खर्ब ४ अर्ब ठूलो बजेट ल्याएका हुन् ।
बिज्ञापन
सरकारले निजामती, सेना, प्रहरी, शिक्षकलगायत सरकारी कर्मचारीको तलब बढाउने सम्भावना टरेको छ । यस अघि आगामी आर्थिक बर्षमा कर्मचारीको तलब १० प्रतिशतसम्म बढ्ने आँकलन गरिएको थियो तर कर्मचारीलाई हाल दिइदैं आएको दुई हजार महँगी भत्तालाई तीन हजार थपेर पाँच हजार पुर्याइएको छ । यसो गर्दा अवकाश प्राप्त कर्मचारीलाई पेन्सनमा थप गर्नुपर्दैन ।
सामाजिक सुरक्षाका नाममा बर्षेनी अर्बाै रकम खर्च हुँदै आएको थियो । त्यही कारण सरकारले यो चलाखी गरेको भनिदैंछ । यस्तै बृद्धभत्ता पाउने उमेर पनि २ बर्ष बढाएर ७० पुर्याइएको छ ।
बिज्ञापन
तलब स्केल बढाएको अवस्थामा पेन्सनप्राप्त कर्मचारी वा तिनका परिवारलाई तीन भागको दुई भाग प्रदान गर्नुपर्ने हुन्छ । तलबस्केल बढेमा कर्मचारीको ग्रेड रकममा समेत वृद्धि हुने भएकाले सरकारले महँगी भत्तामा जोड दिएको हो ।
हाल कायम रहेको तलबमान र सुविधा अध्ययन गर्न एउटा कमिटी गर्ने जानकारी दिइएको छ । सरकारले सबै निकायमा कार्यरत पदाधिकारी तथा कर्मचारीको सेवा सुविधामा एकरुपता ल्याउन सिफारिस समिति गठन गर्ने भएको छ ।
राज्यकोषबाट सुविधा प्राप्त गर्ने प्रतिष्ठान, बोर्ड, समिति तथा सार्वजनिक निकायका पदाधिकारी तथा कर्मचारीको सेवा सुविधा पुनरवलोकन गरी एकरुपता ल्याइने बजेटमा उल्लेख गरिएको छ । यसका लागि ३ महिनाभित्र सुझावसहितको प्रतिवेदन पेश गर्न सिफारिस समिति गठन गरिनेछ ।
