बिज्ञापन

बिज्ञापन

उनीहरुको भेटघाटको कारण, मालपोत कार्यालय कास्कीका कार्यालय प्रमुख चिरञ्जीवी पौडेललाई हटाउन र आफू अनुकुलका कर्मचारी पठाउनु रहेको स्रोतको दावा छ ।
भाट,राणा,शाह हुँदै थकालीहरुको नाममा रहेको जग्गा छ,पोखरा बाटुलेचौरमा । कास्कीमा रहेको झण्डै १३५ रोपनी क्षेत्रफलमा फैलिएको लिचि बगैंचा प्रकरणमा आफू अनुकुलको निर्णय गराउनका लागि विचौलियाहरुको समूहले पूर्व मन्त्री रञ्जितादेखि  सामान्य प्रशासन मन्त्री राजकुमार गुप्तासम्मलाई प्रयोग गरिएको भेटिएको छ ।

तीन महिना अगाडिमात्र सो कार्यालयको नेतृत्व सम्हालेका पौडेललाई हटाएर त्यहाँ मालपोत कार्यालय लमजुङमा कार्यरत रामचन्द्र अधिकारीलाई पठाउने गरी विचौलियाहरुले दौडधूप तिव्र पारेका छन् । रामचन्द्र दुई बर्ष भन्दा लामो समय सोही कार्यालयको नेतृत्व गरेर हाल लमजुङ मालपोतमा सरुवा भएका छन् । आफू सरुवा भएसँगै उक्त सरुवाको निर्णय विरुद्ध पोखरा उच्च अदालतमा रिट दायर गरेका थिए तर अदालतले स्टे अर्डर नदिएपछि उनी सरुवा भएर लमजुङ पुगेका हुन । मुद्धा उच्च अदालतमा विचराधिन छ । रामचन्द्रले स्टे अर्डर नपाए पछि त्यहाँको कार्यालय प्रमुखको रुपमा पुस २६ देखि कार्यरत छन्,चिरञ्जिवी पौडेल ।

विचौलियाहरुको एउटा समूहले पूर्व मन्त्री रञ्जिता श्रेष्ठ र वर्तमान  सामान्य प्रशासन मन्त्री राजकुमार गुप्ता,सामान्य प्रशासन सचिव रविलाल पन्थहरुलाई दवाव र प्रभावमा पारेर त्यहाँका हाकिम परिवर्तन गर्ने खेलोमेलो चलाइरहेको छ ।

यो खेलोफड्कोमा उदयपुर घर भएका चर्चित विचौलिया प्रमोद खड्का अग्रसर भएर लागेको भूमि मन्त्रालय स्रोतले जनाएको छ ।प्रमोदलाई भूमिसुधारको चर्चित विचौलियाका रुपमा चिन्छन,मन्त्रालयका अधिकारीहरु । उनका वास नै संघीय मामिला र भूमि मन्त्रालयमा हुने गरेको भेटिन्छ ।

यता यो बिषयमा पूर्व मन्त्री रञ्जिता श्रेष्ठसँग जिज्ञासा राख्दा ‘पछिल्ला दिनमा संघीय मामिला तथा सामान्य प्रशासन मन्त्री राजकुमार गुप्तासँग बाक्लै भेटघाट हुनुको पछाडि राजनीतिक र अन्य बिषय बस्तु रहेको’ प्रष्टाइन । उनले भनिन,’तराई मधेश सम्बृद्धि कार्यक्रमका बिषयमा उहाँसँग भेटघाट र कुराकानी भएको हो । पोखरा मेरो निर्वाचन क्षेत्र पनि होइन त्यहाँ कर्मचारी पठाउन मैले किन दबाब दिने ? यो सबै गलत बिषय हो ।’