सुदूरपश्चिम प्रदेशका उद्योग पर्यटन वन तथा वातावरणमन्त्री लक्ष्मण किशोर चौधरीले पदबाट राजीनामा दिएका छन्।
बिज्ञापन
आर्थिक लेनदेनको अडियो सार्वजनिक भएपछि सुदूरपश्चिम प्रदेशका मन्त्री चौधरीले पदबाट राजीनामा दिएका छन् । शनिबार बिहान मन्त्रालयमा पत्रकार सम्मेलन गरी मन्त्री चौधरीले राजीनामा दिएको घोषणा गरेका हुन् । त्यसपछि मन्त्री चौधरीले मुख्यमन्त्री कमलबहादुर शाहलाई राजीनामा बुझाएका हुन ।
बिज्ञापन
मन्त्री चौधरीले दीगो वन व्यवस्थापन सम्बन्धि कार्यविधि आर्थिक लाभ लिनेगरि बनाउने विषयमा छलफल गरेको अडियो सार्वजनिक भएको थियो । अडियोमा मन्त्रीले दिगो वन व्यवस्थापनसम्बन्धी कार्यविधि आइतबार पारित गर्ने बताएका मन्त्रीले २५ देखि ३० चाहिने र पाँच जति मुख्यमन्त्रीलाई पनि दिनुपर्ने बताएको सुनिएको छ। यो डिल लाखमा हो वा करोडमा त्यो भने खुलेको छैन । अडियोमा उनले २५/३० चाहिने भनेका छन् र मुख्यमन्त्रीलाई ५ दिनुपर्ने भनेको सुनिन्छ ।
नैतिकताका आधारमा पदबाट राजीनामा दिएका चौधरीले भनेका छन् म निर्दोष छु, दोषी भए सजाय भोग्न तयार छु ।
बिज्ञापन
चौधरी नागरिक उन्मुक्ति पार्टीबाट सुदूरपश्चिम प्रदेश सरकारमा दोस्रोपटक मन्त्री बनेका थिए। यसअघि उनी सामाजिक विकासमन्त्री थिए।
