सरकारी सेवाबाट अवकाश प्राप्त कर्मचारीहरुको उपदान भुक्तानीको अवधि थप दुई महिना थप भएको छ । महालेखा नियन्त्रक कार्यालयले सेवा निवृत्त कर्मचारीहरुको उपदानको भुत्तानीको अवधि थप दुई महिना थप गरिएको बिषयमा कोष तथा लेखा नियन्त्रक कार्यालयलाई परिपत्र गरेको छ ।
बिज्ञापन
सेवाबाट अवकास प्राप्त सरकारी (निजामती, प्रहरी तथा जंगीलगायत) कर्मचारीको अवकासपछिको सेवा सुविधा भुक्तानी अब कोष तथा लेखा नियन्त्रक कार्यालय (कोलेनिका)हरुबाट हुँदै आएको छ । यस अघि यस्तो भुक्तानी सम्बन्धित कार्यालयबाटै हुँदै अएको थियो ।
बिज्ञापन
यस्तो भुक्तानी बजेट कार्यान्वयन सम्बन्धी मार्गदर्शनमै उल्लेख भए अनुसार उपदान , संञ्चित बिदा र औषधी उपचारको रकम माघ महिनासम्मको मात्रै भुक्तानी गर्न भनिएकोमा थप दुई महिनाका लागि अख्तियारी थप भएको हो ।
महालेखा नियन्त्रकको कार्यालयले कोष तथा लेखा नियन्त्रक कार्यालयहरुलाई सर्कुलर गरेकोमा बैशाख २० गतेसम्मको लागि अवधी थप गरिएको हो ।
बिज्ञापन
परिपत्रमा भनिएको छ,मिति २०८१ साउन ७ को बजेट कार्यान्वयन सम्बन्धी मार्गदर्शन बमोजिम सेवा निवृत्त राष्ट्रसेवक कर्मचारीहरुको प्रचलित कानून बमोजिम पाउने उपदान,सञ्चित बिदा,र औषधी उपचार को रकम २०८१ माघ मसान्तसम्म भुक्तानी तथा निकासा दिने र तत् पश्चात् यस कार्यालयको निर्देशन अनुसार गर्नु गराउनु हुन भनी परिपत्र भएकोमा अन्य व्यवस्था सोही परिपत्रमा उल्लेख भए अनुसार गर्ने गरी उक्त अख्तियारीको अवधि २०८२ वैशाख २० सम्म थप गरी पठाईएको व्यहोरा यस कार्यालयको निर्णयानुसार अनुरोध छ ।
