मिसावटयुक्त इन्धन बिक्री गरेको आशंकामा रसुवाको कालिकास्थानस्थित गन्तव्य पेट्रोल पम्पमा शिलबन्दी गरिएको छ । उक्त पम्पमा तेल हालेका गाडी तथा मोटरसाइकलको इञ्जिन बिग्रिएपछि कालिका–५ जिबजिबेका विष्णु देवकोटा र गोसाईँकुण्ड –६ का विज्ञान तामाङले जिल्ला प्रशासन कार्यालयमा छानबिनका लागि लिखित उजुरी दिएका थिए ।
बिज्ञापन
पम्पमा तेल हालेका केही सवारी साधनले कालो धुवाँ फालेपछि उपभोक्ताले अपराह्न प्रहरीमा लिखित उजुरी हालेका थिए । त्यसपछि छानबिनका लागि इन्धन बिक्रीमा रोक लगाएको स्थानीय प्रशासनले परीक्षणका लागि डिजेल र पेट्रोलको नमूना संकलन गरेर लगेको छ । मोटरसाइकल धनीहरुको लिखित उजुरी पछि जिल्ला प्रशासन कार्यालयले अनुसन्धान पूरा नभएसम्म पेट्रोल नबेच्न पम्पलाई निर्देशन दिएको छ ।
बिज्ञापन
रसुवाका प्रमुख जिल्ला अधिकारी अर्जुन पौडेलले अनुसन्धान पूरा नभएसम्म पेट्रोल नबेच्न निर्देशन दिएका हुन ।
इन्धनमा मिसावट गरेको प्रमाणित भएमा पहिलो पटक एक लाख रूपैयाँ जरिवानासहित एक महिनासम्म पेट्रोल पम्प बन्द गरिने कानूनी प्रावधान छ । यही समूहले उत्तरगया आयल स्टोर,चलाउँदै आएको बेत्रावतीमा र सिद्धि आयल स्टोर समेत सञ्चालन गर्दै आएको छ । यो आयल स्टोरका मालिकहरु हुन,उद्धव रिजाल,सिताराम पौडेल,बलराम ढकाल,शंकर न्यौपाने सञ्चालन गर्दै आएको छ ।
बिज्ञापन
