बिज्ञापन

बिज्ञापन

यौन दुर्व्यहारमा मुछिएर दोहोरी गायक कृष्ण कँडेल, हाँस्यकलाकार पवन खतिवडादेखि एमाले नेता महेश बस्नेतसम्मले बर्बादी भोगिरहँदा एक जना सहसचिव उस्तै फण्डामा परेका छन । तर, ती पीडित कर्मचारी आफैं थप पीडामा पर्न चाहिनन् । उनले आफ्ना हाकिमलाई खुइल्याउनतिर  लागिनन् । ती हाकिमले आफ्ना मोवाइलमा पठाएका त्यस्ता अनिगिन्ति म्यासेजहरु प्रमाणका रुपमा सुरक्षित थिए । त्यसैलाई आधार मानेर मुद्धा मामिला गरेको खण्डमा उनको जागिरै जान सक्थ्यो तर उनले त्यस्ता हर्कतविरुद्ध लड्ने साहस गरिनन् । थप पीडित हुनुपर्ला भन्ने डरले र आफ्नो भविष्य हेरेर  बाटो लागेपछि तत्कालका लागि केश सामसुम भएको छ, त्यहाँ । तर केश सामसुम भए पनि ती हाकिमका बारेमा कुराकानी चलिरहेको छ ।

ती हाकिमले भने, आफूले बेहोसीमा पठाएको म्यासेज भनेर उम्कन खोजिरहेका छन् । केही साता अघि सहकर्मीहरु बोकेर पोखरातिर निस्किएका ती हाकिमले दारु पानी चढाए पछि नशाको तालमा आफ्नो सहकर्मीलाई यस प्रकारको म्यासेज पठाएको बताइएको छ ।

तर पीडित भनिएकी महिला कर्मचारी मुद्दा मामिला, मिडियाबाजीतिर लाग्दा र यो बिषय चर्काउँदा आफ्नो करियरै चौपट्ट हुने देखिन् । यथेष्ट प्रमाण हुँदाहुँदै पनि मनभरि पीडा बोकेर उनी केही दिन अघि सरुवा मिलाएर अन्यन्त्रै हिडिसकेकी छिन् ।