सरकारले ४३ सहसचिवहरुको सरुवा तथा पदस्थापन गरेको छ । लामो रस्साकस्सी पछि ४३ सहसचिवको सरुवा टुंग्याइएको हो । जसमा २९ जना उपसचिवबाट सहसचिवमा बढुवा भएर उनीहरुको पदस्थापन गरिएको हो । बाँकी १४ सहसचिवहरुको सरुवा गरिएको हो ।
बिज्ञापन
पदस्थापन गरिँदा हालै उपसचिवबाट सहसचिवमा उक्लिएका गोपाल कोइराला र मिमांस अधिकारीका कारण लफडा निस्किएको थियो । उनीहरु दुबैलाई प्रदेशमा खटाइएको छ । गोपाललाई मुख्यमन्त्री तथा मन्त्रिपरिषद्को कार्यालय सुदूरपश्चिममा खटाइँदा मिमासंलाई प्रदेश योजना आयोग,कोशी प्रदेशमा खटाइएको छ ।
बिज्ञापन
सरुवाको सूची अनुसार,खिम बहादुर रायमाझीलाई गृह मन्त्रालय वा अन्तरगत पदस्थापन गरिएको छ । यस्तै,सुवास चन्द्र सिवाकोटी अर्थ मन्त्रालय,मधेश प्रदेशमा पदस्थापन गरिएको छ । यस्तै,खिम बहादुर कुँवरको प्रदेश योजना आयोग,लुम्बिनी प्रदेश,जय बहादुर भण्डारीलाई स्वास्थ्य तथा जनसंख्या मन्त्रालय वा अन्तरगत खटाइएको छ । विष्णु प्रसाद पौडेल मुख्यमन्त्री तथा मन्त्रिपरिषद्को कार्यालय मधेश प्रदेश,विनोद लामिछानेलाई प्रधानमन्त्री तथा मन्त्रिपरिषद्को कार्यालय वा अन्तरगत खटाइएको छ । हेटौंडाको प्रमुख प्रशासकीय रहेका शिव राज चौलागाई सरुवामा परेका छन् उनलाई राष्ट्रिय दलित आयोगमा पुर्याइएको छ । यस्तै राम बाबु पुरीलाई शिवको ठाउँमा खटाइएको छ । यस्का अलवा केशव राज ढकाल प्रदेश प्रमुखको कार्यालय लुम्बिनी प्रदेशमा खटाइएको छ । सरुवाको सूची अनुसार,कमान सिंह खत्रीलाई आर्थिक मामिला मन्त्रालय सूदुरपश्चिम, विष्णु प्रसाद ज्ञवालीलाई संघीय मामिला तथा सामान्य प्रशासनमै राखिएको छ । नारायण ढकाल गृह मन्त्रालयमा पदस्थापन हुँदा पुष्कर न्यौपाने प्रदेश लोक सेवा आयोग सूदुरपश्चिम पठाइएका छन् ।
यस्तै स्वास्थ्य मन्त्रालयका सहसचिव तुलसी नाथ गौतम लोकसेवा आयोग पुगेका छन् । प्रधानमन्त्री तथा मन्त्रिपरिषद्को कार्यालयबाट बद्ध बहादुर गुरुङले गृहमा इन्ट्री मारेका छन् । सूदुरपश्चिम प्रदेशबाट अरुण पोखेल पनि गृहमै भित्रिएका छन् । यस्तै नर बहादुर थापाले पनि गृहमै पदस्थापन हुँदा गोपिकृष्ण कोइराला लोकसेवा आयोगमा खटाइएको छ ।
सरुवाको सूची अनुसार ध्रुव बहादुर खड्का पनि गृहमै पुगेका छन् । यस्तै शिक्षा सेवाका भोजराज शर्मा सामाजिक विकास मन्त्रालय कर्णाली प्रदेशबाट शिक्षा मन्त्रालयमा,भोजराज शर्माको स्थानमा दीर्घबहादुर पोखरेललाई खटाइएको छ ।
यस्तै तीर्थ धिताल प्रदेश लोकसेवा आयोग,कोशी,राजुराम कडरियाले प्रदेश झर्नु परेको छैन । उनले गृहमै इन्ट्री पाएका छन् । सन्तोष धिताल लोकसेवा आयोग,सूर्य खत्री गृह मन्त्रालय,ऋृषि राज आचार्यले पनि गृहमै प्रवेश पाएका छन् । लुम्बिनी प्रदेश अर्थ मन्त्रालयबाट केदारनाथ शर्मा पनि गृहमै तानिएका छन् । रामकृष्ण पुडासैनी मधेश प्रदेशबाट अख्तियार,अख्तियारबाट कोषहरि निरौला गृहमा भित्रिएका छन् । खानेपानी मन्त्रालयबाट अर्जुन गौतम मधेश प्रदेश मुख्यमन्त्री कार्यालयमा खेदिएका छन् । गृहबाट नवराज सापकोटा खानेपानीमा पठाइएको छ । यस्का अलवा चक्रपाणी पाण्डे गृहबाट बाहिरिएका छन् । उनलाई प्रदेशको सामाजिक विकास मन्त्रालयमा पठाइएको छ ।
सरुवाको सूची अनुसार,चुणामणि पौडेललाई कामु सचिवबाट निमित्त सचिवका रुपमा कर्णाली प्रदेशमा थन्काइएको छ । यस्तै,दीपक कुमार दास शहरी विकास मन्त्रालयबाट मधेश प्रदेशमा खटाइएको छ । तुलसीपुर उपमहानगरपालिकाका प्रमुख प्रशासकीय रामबहादुर केसीलाई अर्थ मन्त्रालय लुम्बिनी प्रदेशमा खटाइँदा कोशी प्रदेशबाट अरुण झा खानेपानी मन्त्रालयमा ल्याइएको छ । प्रदीप् वान्तवा उर्जा मन्त्रालयबाट कोशी प्रदेशमा खटाइएको छ । माधवजंग कार्की शहरी विकास,माधव प्रसाद भट्टराईलाई भौतिक मन्त्रालय,लुम्बिनी प्रदेश,सुनिल पौडेललाई उर्जा मन्त्रालयमा ल्याइदा भीमार्जुन पाण्डे शहरी मन्त्रालयमा पुगेका छन् ।
बिज्ञापन
