अख्तियार दुरुपयोग अनुसन्धान आयोगले एक नासुलाई एक लाख घुस रकमसहित एक सुब्बालाई पक्राउ गरेको छ । अख्तियार दुरुपयोग अनुसन्धान आयोगको कार्यालय बर्दिबासबाट खटिएको टोलीले मालपोत कार्यालयको प्रशासन फाँटमा कार्यरत नायब सुब्बा निर्मल तिमिल्सिनालाई एक लाख रुपैयाँ घुस रकमसहित नियन्त्रणमा लिएको हो ।
तिमिल्सिना सर्लाहीको भूमि प्रशासन कार्यालय (मालपोत) को प्रशासन फाँटमा कार्यरत थिए । बुधबार बिहान करिब १० बजे उनलाई अख्तियारको टोलीले रंगेहात पक्राउ गरेको हो ।
आयोगका अनुसार तिमिल्सिनाले मोहीसम्बन्धी जग्गाको काम मिलाइदिने भन्दै सेवाग्राहीसँग एक लाख रुपैयाँ घुस लिएका थिए । यो बिषयमा अहिले थप अनुसन्धान भइरहेको आयोगले जनाएको छ ।

बिज्ञापन