महालेखा नियन्त्रक कार्यालयले ठूलो संख्यामा लेखाका कर्मचारीहरुको सरुवाको गृहकार्य गरेको छ । कार्यालयले हालैमात्र प्रशासन सेवा लेखा समूहको कर्मचारीको जनशक्ति व्यवस्थापन मापदण्ड जारी गरेको छ । जस अनुसार कर्मचारीको सेवा अवधि र हालको कार्यालयमा कार्यरत अवधि,संगठनको आवश्यक्ता र संस्थागत संस्मरण,कर्मचारीको कार्यसम्पादनस्तर,कार्यव्यवहार र पेशागत आचरण,भौगोलिक क्षेत्रका कार्यालयहरुमा कार्य अनुभव,वैदेशिक अध्ययन,तालिम,भ्रमण,विशेष परिस्थिति र कर्मचारी सरुवा निवेदनका आधारमा जनशक्ति व्यवस्थापन गरिने उल्लेख छ ।

बिज्ञापन

हालै जारी भएको सरुवा मापदण्डमा प्रचलित कानुन बमोजिम न्यूनतम अवधि पूरा नगरी सरुवा नगरिने,अवधि पूरा भएका कर्मचारीहरुलाई कार्यालयको आवश्यक्ता,रिक्त दरबन्दी,सेवा,अनुभवका आधारमा व्यवस्थापन गरिने मापदण्डमा उल्लेख छ ।
यस्तै,एउटै कार्यालयमा न्यूनतम अवधिभन्दा बढी काम गरेका कर्मचारीहरुलाई सरुवा गरिँदा सबैभन्दा बढी सेवा गरेका आधारमा सरुवा गरिने,महालेखा र कोलनिकाका कार्यालय बाहेकका कार्यालयमा पाँच बर्ष वा सो भन्दा बढी अवधि कार्यरत कर्मचारीलाई प्रथामिकताका आधारमा सरुवा गरिने,एउटै कर्मचारीलाई पटक पटक एउटै प्रकृति,भूगोल र उस्तै कार्यबोझ भएको कार्यालयमा नखटाई फरक फरक भौगोलिक क्षेत्रका कार्यालय,हिमाली तथा पहाडी जिल्लाका कार्यालय र तराईका सुगम तथा सुविधाजनक कार्यालय,केन्द्रीयस्तर र जिल्लास्तरका कार्यालय र मलेनिका,कोलनिका कार्यालयमा सरुवा गरिने उल्लेख छ ।