ह्ययाकिङको जोखिम देखिएपछि बन्द भएका सरकारी वेबसाइटहरु क्रमश खुल्न थालेका छन् । करिब ७० प्रतिशत सरकारी कार्यालयमा प्रयोग गरिएको पीएचपी प्रोग्रामिङ ल्याङ्वेजमा सुरक्षा चुनौती देखिएपछि बन्द गरिएका वेबसाइटमध्ये एक हजार भन्दा बढी साइडहरु आइतबार साँझबाट सञ्चालनमा आएका छन् । कार्तिक ४ गते सुरक्षा कमजोरी पत्ता लागेसँगै मन्त्रालय, विभाग, कार्यालय, राष्ट्र बैंकदेखि संवैधानिक निकायसम्मका वेबसाइट बन्द रहेकामा आइतबार साँझबाट एक हजार बढी वेब साइडहरु सञ्चालनमा आएकामा आजै बिहानसम्ममा बाँकी वेबहरु खुल्ने सफ्टवेयर विकास तथा सञ्चालन केन्द्रले जनाएको छ ।

बिज्ञापन

विश्वभर पीएचपी प्रविधिमा देखिएको गम्भीर सुरक्षा जोखिमका कारण अस्थायी रूपमा बन्द भएका थिए । सफ्टवेयर विकास तथा सञ्चालन केन्द्रले सम्भावित साइबर आक्रमण र क्षति हुन नदिन सावधानीस्वरूप प्रणालीहरू बन्द गरिएको जनाएको थियो । प्रोग्रामिङ ल्याङ्ग्वेज ‘पीएचपी’ मा गम्भीर सुरक्षा कमजोरी फेला परेपछि अफलाइन गरिएका अधिकांश सरकारी वेबसाइट सञ्चालनमा आएका हुन । सफ्टवेयर विकास तथा सञ्चालन केन्द्रका अनुसार आइतबार साँझबाट एक हजारभन्दा बढी सरकारी वेबसाइट तथा अनलाइन सेवा पुनः सञ्चालनमा आएका छन् ।