राष्ट्रिय स्वतन्त्र पार्टीका सांसद खगेन्द्र सुनारले पार्टीको छानबिन समितिलाई महिलासँगको विवादसम्बन्धी अडियो आफ्नो नभएको बयान दिएका छन् । सांसद सुनारले अनुशासन समितिलाई लिखित रूपमा इन्कारी पत्र बुझाएका हुन् ।

बिज्ञापन

एक महिलासँगको विवादित संवाद सार्वजनिक भएपछि उनले उक्त अडियो आफ्नो नभएको र पूरै कृत्रिम (एआई प्रविधिबाट निर्मित) रहेको दाबी गर्दै पार्टीमा इन्कारी पत्र पेश गरेका हुन् ।
केही दिनअघि सुनार र एक महिलाबीच विवाद भइरहेको अडियो सार्वजनिक भएको थियो । अडियो सार्वजनिक भएसँगै रास्वपाले अनुशासन आयोगका उपप्रमुख हरिचन्द्र भट्टराईको नेतृत्वमा छानबिन समिति गठन गरेको थियो । अनुशासन आयोगका उपप्रमुख एवं छानबिन समितिका संयोजक अधिवक्ता हरिचन्द्र भट्टराईका अनुसार सांसद सुनारले यसअघि सामाजिक सञ्जालमा राखेका स्पष्टीकरणहरुकै आधारमा लिखित पत्र पेस गरेका छन् । सुनारले प्रहरीको भ्रष्टाचारको मुद्दा उठाएका कारण आफूमाथि सुनियोजित प्रहार भइरहेको जिकिर गर्दै आएका छन् ।