बिज्ञापन
पूर्वराष्ट्रपति विद्यादेवी भण्डारी चीन प्रस्थान गरेकी छन्। चीनको हपवे प्रदेशको स्योङआनमा आयोजना हुन लागेको ‘ग्लोबल गभर्नेन्स् फोरम’मा सहभागी हुनका लागि उनी त्यसतर्फ प्रस्थान गरेकी हुन्। परिवर्तनशील विश्वमा विश्वास र सहकार्यको पुनर्निर्माण ‘थिम’ रहेको उक्त ग्लोबल गभर्नेन्स सम्मेलन यही अक्टोबर २३ देखि २५ सम्म आयोजना हुँदैछ। भण्डारीले उक्त सम्मेलनमा सम्बोधन गर्ने कार्यक्रम रहेको छ। सोमबार स्वदेश फर्कने गरी पूर्वराष्ट्रपति भण्डारी चीनतिर प्रस्थान गरेकी हुन्।
बिज्ञापन
यता राष्ट्रिय स्वतन्त्र पार्टीका सभापति रवि लामिछाने भारत भ्रमणमा जान लागेका छन् । उनी तीन दिने भ्रमणका आज भारततर्फ प्रस्थान गर्ने उनको सचिवालयले जनाएको छ।
लामिछाने धनगढी हुँदै भारतको उत्तराखण्ड, नैनीतालस्थित कैँची धाम र असमको गुवाहाटीस्थित कामाख्य मन्दिर जाने कार्यक्रम छ। तीनदिने आध्यात्मिक तथा पारिवारिक भ्रमण पूरा गरी लामिछाने कात्तिक ९ गते स्वदेश फर्किने सचिवालयले जनाएको छ ।
यसअघि उनी गत जेठमा पार्टी सभापतिको हैसियतमा भारतको औपचारिक भ्रमणमा गएका थिए । गत जेठ २२ गते भारतीय जनता पार्टीको निमन्त्रणामा पाँच दिने भारत भ्रमण गरी फर्किएका थिए। गत भदौमा चीन जाने कार्यक्रम भदौ १० गतेको बाढीले रोकिएको बताइन्छ ।
