चीनको सिजाङ स्वायत्त क्षेत्रमा ७ म्याग्निच्युडको भूकम्प जाँदा कम्तीमा १६ जनाको मृत्यु भएको छ भने ३२ जना घाइते भएका छन् । चीनको सरकारी समाचार संस्था सिन्ह्वाका अनुसार स्थानीय समय बिहीबार राति करिब १० बजेर ३३ मिनेट जाँदा नाग्छु सहरको बाकेन काउन्टीमा भूकम्प गएको हो। भूकम्पको केन्द्रबिन्दु तिब्बतको क्षेत्रीय राजधानी ल्हासाबाट करिब ४०० किलोमिटर (२५० माइल) उत्तरमा पर्छ।

बिज्ञापन

भूकम्पमा परी घाइते भएकामध्ये ११ जनाको अवस्था गम्भीर रहेको छ भने २१ जनालाई सामान्य चोट लागेको छ । शुक्रबार बिहान २ बजेर २५ मिनेटसम्मको विवरणअनुसार भूकम्पले ३०० भन्दा बढी घर भत्किएका छन् । उद्धार तथा राहतका लागि ३०० भन्दा बढी प्रहरी परिचालन गरिएको छ । त्यसैगरी, क्षेत्रीय अग्नि तथा उद्धार टोलीले प्रभावित क्षेत्रमा ३४७ जना जनशक्ति खटाएको छ ।