बिज्ञापन

बिज्ञापन

विभागले उपभोक्ता संरक्षण ऐन, २०७५ तथा उपभोक्ता संरक्षण नियमावली, २०७६ बमोजिम बजार अनुगमन गरी आवश्यक निर्देशन तथा कारबाही गरेको जनाएको छ। अनुगमनका क्रममा ललितपुर महानगरपालिका–१४, खुमलटारस्थित सफ्ट ग्रिन ट्रेडिङ प्रा.लि.लाई माग गरिएका कागजात तथा अधिकतम खुद्रा मूल्य (एमआरपी) उल्लेख भएको प्याकेजिङको नमुनासहित विभागमा उपस्थित हुन निर्देशन दिइएको छ।

त्यस्तै, काठमाडौं र ललितपुरसहित आसपासका विभिन्न क्षेत्रमा रहेका अन्य १६ वटा फर्म तथा पसललाई सामान्य निर्देशन दिइएको विभागले जनाएको छ। सामान्य निर्देशन पाउनेमा गोकर्णेश्वर नगरपालिका–८, जोरपाटी बेसीगाउँस्थित मां पद्मा ग्यास इन्टरप्राइजेज, काठमाडौं महानगरपालिका–६ स्थित न्यू सेविका भाँडा पसल, ललितपुर महानगरपालिका–१, सानेपास्थित न्यू शुभम स्टोर, ललितपुर महानगरपालिका–३, जावलाखेलस्थित संगीता ग्यास पसल र ललितपुर महानगरपालिका–१३, कुसुन्तीस्थित सुवेदी ग्यास पसल रहेका छन्।

यसैगरी गोदावरी नगरपालिका–११, चापागाउँस्थित हिमश्री स्टोर, महालक्ष्मी नगरपालिका–४, शीतलहाइटस्थित हजुरको किराना घर, महालक्ष्मी नगरपालिका–१, इमाडोलस्थित अनिष स्टोर, महालक्ष्मी नगरपालिका–४, शीतलहाइटस्थित इमाडोल डेली बास्केट प्रा.लि. र श्रीहाङ स्टोर एण्ड लिकर हाउसलाई पनि सामान्य निर्देशन दिइएको छ।

कीर्तिपुर नगरपालिकाका विभिन्न स्थानमा रहेका प्रदीप स्टोर, रोशन एण्ड लक्ष्मी फुट सेन्टर र काठमाडौं फेन्सी पसललाई समेत विभागले सामान्य निर्देशन दिएको छ। त्यसैगरी काठमाडौं महानगरपालिका–१३, रविभवनस्थित गणपति ट्रेडिङ, महानगरपालिका–१४, कुलेश्वरस्थित टिपटप स्वीट्स प्रा.लि. र महानगरपालिका–३२, कोटेश्वरस्थित कोशल ट्रेड पनि अनुगमनको सूचीमा परेका छन्।
विभागले बजारमा वस्तु तथा सेवाको बिक्रीवितरणलाई उपभोक्तामैत्री बनाउन र प्रचलित कानुनको पालना सुनिश्चित गर्न अनुगमनलाई निरन्तरता दिँदै आएको जनाएको छ। उपभोक्ता संरक्षणसम्बन्धी कानुनअनुसार आवश्यक निर्देशन तथा कारबाही गरिएको उल्लेख गर्दै विभागले अनुगमनको विवरण सर्वसाधारणको जानकारीका लागि सार्वजनिक गरेको हो।

विभागको यस अनुगमनमा तीन फर्मलाई आर्थिक जरिवाना गरिएको छ भने एक फर्मलाई आवश्यक कागजात तथा प्याकेजिङको नमुनासहित उपस्थित हुन निर्देशन दिइएको छ। अन्य १६ फर्म तथा पसललाई सामान्य निर्देशन दिइएको विवरण सार्वजनिक गरिएको छ।