चाहे सरकारी सेवा होस वा त राजनीति । जस्मा आरक्षणको व्यवस्था छ । तर आरक्षणको लक्ष्य एकातिर छ, लाभ चाहिँ प्रभावशाली वा अर्वपतिहरुले उठाइरहेका छन् । यस्तै दृश्य देखियो काँग्रेसीहरुको महाअधिवेशनमा । महिला,दलित,जनजाती,अल्पसंख्यक समूहको उत्थानको लागि भन्दै राज्यले आरक्षणको व्यवस्था गर्यो । तर आरक्षणको लाभ, लक्षित समुदायभन्दा धनी, टाठा बाठाकै कब्जामा पुगिरहेको छ । यस पटकको काँग्रेसको १५ औं महाअधिवेशनमा एक अर्वपति उम्मेद्धार बनेर जीत समेत हासिल गरेका छन्,समावेशी कोटाबाट ।  उनी हुन डलरे अर्बपति विनोद चौधरी ।  जारी नेपाली काँग्रेसको महाधिवेशनमा उनी १ हजार ७४५ मतसहित उपसभापतिमा निर्वाचित भएका छन् । चौधरी समावेशी समूहबाट उपसभापति पदका उम्मेदवार बनेका थिए । उनीसँग प्रतिष्प्रर्धामा जीवन परियार,फरमुल्लाह मन्सुर,सीता गुरुङ,रञ्जित कर्णहरु थिए तर जीवले १ हजार ६५८ मत ल्याउँदा फरमुल्लाह मन्सुरले १ हजार १४४, सीता गुरुङले १ हजार ११२ र रञ्जित कर्णले ५६२ मत प्राप्त गरेका थिए ।

बिज्ञापन

यसो त उनी यस अघि चौधौं महाधिवेशनमा मधेसी कोटाबाट कांग्रेसको केन्द्रीय सदस्यमा निर्वाचित भएका थिए । उनले सो समयमा मधेशी खुलाबाट उम्मेदवारी दिएका थिए। सो समयमा २२०६ मतसहित चौधरी विजयी भएका उनी यस अघि देउवा खेमामा मानिन्थे । २०६४ सालमा एमालेबाट राजनीतिक यात्रा शुरु गरेका चौधरी पहिलो संविधानसभा निर्वाचनमा उनी एमालेबाट समानुपातिकतर्फ सभासद् बनेका थिए । सो समयमा चौधरी सामानुपातिक कोटाबाट सांसद बनेका थिए । उनी ०७४ सालमा उनी नेपाली कांग्रेसमा प्रवेश गरेका हुन । यस अघि ७९ सालको प्रतिनिधि सभाको निर्वाचनमा नवलपरासी (बर्दघाट सुस्ता पश्चिम १ बाट निर्वाचित भएका थिए ।